scorecardresearch

Latest News

മാലെഗാവ് സ്‍ഫോടനം: ഏഴ് പ്രതികള്‍ക്കെതിരെയും തീവ്രവാദ ഗൂഢാലോനക്കുറ്റവും കൊലക്കുറ്റവും ചുമത്തി

ഭീകരവാദവിരുദ്ധ കുറ്റം ചുമത്തരുതെന്ന പ്രതികളുടെ ആവശ്യം കോടതി തളളി

മും​ബൈ: 2008ലെ ​മാലെ​ഗാ​വ്​ സ്​​ഫോ​ട​ന കേ​സി​ൽ ഏഴ് പ്രതികള്‍ക്കെതിരേയും പ്രത്യേക എന്‍ഐഎ കോടതി തീവ്രവാദഗൂഢാലോചന കുറ്റം, കൊലക്കുറ്റം എന്നിവയടക്കം ചുമത്തി. സാധ്വി പ്രഗ്യാ സിങ് ഠാക്കൂര്‍, വിരമിച്ച മേജര്‍ രമേശ് ഉപാധ്യയാ, സമീര്‍ കുല്‍ക്കര്‍ണി, അജയ് രാഹിര്‍ക്കര്‍, സുധാകര്‍ ദ്വിവേദി. സുധാകര്‍ ചതുര്‍വേദി എന്നിവര്‍ക്കെതിരെയാണ് കുറ്റം ചുമത്തിയത്.

ഭീകരവാദവിരുദ്ധ കുറ്റം ചുമത്തരുതെന്ന പ്രതികളുടെ ആവശ്യം കോടതി തളളി. എ​ൻഐ​എ കോ​ട​തി കു​റ്റം ചു​മ​ത്തു​ന്ന​ത് ​നീ​ട്ടി​വയ്​ക്കാ​ൻ നി​ർ​ദ്ദേ​ശി​ക്ക​ണ​മെ​ന്ന പ്ര​തി ല​ഫ്. കേ​ണ​ൽ ശ്രീ​കാ​ന്ത്​ പു​രോ​ഹി​തിന്റെ അ​പേ​ക്ഷ ബോംബെ കോ​ട​തി തിങ്കളാഴ്ച ത​ള്ളിയിരുന്നു. യുഎപിഎ നി​യ​മം ചു​മ​ത്തി​യ​തി​ന്​ എ​തി​രെ ന​ൽ​കി​യ അ​പ്പീ​ലി​ൽ തീ​ർ​പ്പാ​കും വ​രെ കു​റ്റം​ചു​മ​ത്ത​ൽ നി​ർ​ത്തി​വയ്​ക്ക​ണ​മെ​ന്നാ​ണ്​ പു​രോ​ഹി​ത്​ ആ​വ​ശ്യ​പ്പെ​ട്ട​ത്. 10 വ​ർ​ഷം പ​ഴ​ക്ക​മു​ള്ള കേ​സി​ൽ വി​ചാ​ര​ണ ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ നേ​ര​ത്തേ ബോം​ബെ ഹൈ​ക്കോ​ട​തി​യും സു​പ്രീം കോ​ട​തി​യും നി​ർദ്ദേ​ശി​ച്ച​ത്​ ചൂ​ണ്ടി​ക്കാ​ട്ടി ജ​സ്​​റ്റി​സു​മാ​രാ​യ എ​സ്.​എ​സ്.ഷി​ണ്ഡെ, എ.​എ​സ്.​ഗ​ഡ്​​ക​രി എ​ന്നി​വ​രു​ടെ ബെ​ഞ്ചാ​ണ്​ ത​ള്ളി​യ​ത്.

അ​തേ​സ​മ​യം, യുഎപിഎ നി​യ​മം ചു​മ​ത്തി​യ​ത്​ ചോ​ദ്യം ചെ​യ്​​തു​ള്ള അ​പ്പീ​ലി​ൽ ഹൈ​ക്കോ​ട​തി വാ​ദം കേ​ൾ​ക്കും. ന​വം​ബ​ർ 21ന്​ ​നി​ല​പാ​ട്​ അ​റി​യി​ക്കാ​ൻ കോ​ട​തി എ​ൻഐഎ​ക്ക്​ നി​ർ​ദ്ദേ​ശം ന​ൽ​കി. സൈ​നി​ക​നെ​ന്ന നി​ല​ക്ക്​ ച​ട്ടം പാ​ലി​ച്ച​ല്ല യുഎപി​എ ചു​മ​ത്തി​യ​തെ​ന്ന്​ ആ​രോ​പി​ച്ച്​ പു​രോ​ഹി​ത്​ ന​ൽ​കി​യ ഹ​ർജി നേ​ര​ത്തേ എ​ൻഐഎ കോ​ട​തി ത​ള്ളി​യി​രു​ന്നു.

Stay updated with the latest news headlines and all the latest News news download Indian Express Malayalam App.

Web Title: 2008 malegaon blast case lt col prasad purohit pragya thakur charged with terror conspiracy murder

Best of Express