Latest News

ഞാന്‍ ആസാമിയാണ്, എന്നെ കൊല്ലരുത്: ആള്‍ക്കൂട്ടം രണ്ട് യുവാക്കളെ തല്ലിക്കൊന്നു

രാത്രി എട്ട് മണിയോടെ ഇവര്‍ സഞ്ചരിച്ച എസ്‍യുവി കാര്‍ അക്രമികള്‍ വളയുകയായിരുന്നു

ഗോ​ഹ​ട്ടി: കു​ട്ടി​ക​ളെ ത​ട്ടി​ക്കൊ​ണ്ടു​പോ​കുന്ന സംഘമാണെന്ന് ആരോപിച്ച് അസമില്‍ രണ്ട് യുവാക്കളെ ജനക്കൂട്ടം തല്ലിക്കൊന്നു. സംഭവത്തില്‍ അഞ്ച് പ്രതികളെ പൊലീസ് അറസ്റ്റ് ചെയ്തു. കു​ട്ടി​ക​ളെ ത​ട്ടി​ക്കൊ​ണ്ടു​പോ​കു​ന്ന​വ​ർ എ​ത്തി​യി​ട്ടു​ണ്ടെ​ന്ന സാ​മൂ​ഹി​ക മാ​ധ്യ​മ​ങ്ങ​ളി​ലൂ​ടെ അ​ഭ്യൂ​ഹം പ്ര​ച​രി​ച്ച​തി​നെ തു​ട​ർ​ന്നാ​ണ് ആ​ൾ​കൂ​ട്ടം യു​വാ​ക്ക​ളെ പി​ടി​കൂ​ടി മ​ർ​ദി​ച്ച​ത്. വെ​ള്ളി​യാ​ഴ്ച വൈ​കു​ന്നേ​രം വെ​സ്റ്റ് കാ​ർ​ബി ആം​ഗ്‌​ലോം​ഗ് ജി​ല്ല​യി​ൽ ഡോ​ക്മോ​ക​യി​ലാ​യി​രു​ന്നു സം​ഭ​വം. അ​ഭി​ജി​ത് നാ​ഥ്, നി​ലോ​ത്‌​പാ​ൽ‌ ദാ​സ് എ​ന്നി​വ​രെ​യാ​ണ് ആ​ൾ​കൂ​ട്ടം കൊ​ല​പ്പെ​ടു​ത്തി​യ​ത്.

വെളളിയാഴ്ച്ച വൈകുന്നേരം പഞ്ചാരി കച്ചരി ഗ്രാമത്തില്‍ രണ്ട് പേരെ സംശയാസ്പദമായി കണ്ടെത്തിയതായി ഗ്രാമവാസികള്‍ പറഞ്ഞു. രാത്രി എട്ട് മണിയോടെ ഇവര്‍ സഞ്ചരിച്ച എസ്‍യുവി കാര്‍ അക്രമികള്‍ വളയുകയായിരുന്നു. രക്ഷപ്പെടാന്‍ ശ്രമിച്ച യുവാക്കളെ നാട്ടുകാര്‍ കെട്ടിയിട്ട് തല്ലിക്കൊലപ്പെടുത്തി.

ഇ​വ​രെ മ​ർ​ദി​ക്കു​ന്ന​തി​ന്‍റെ ദൃ​ശ്യ​ങ്ങ​ൾ അ​ക്ര​മി​ക​ൾ മൊ​ബൈ​ൽ ഫോ​ണി​ൽ‌ പ​ക​ർ​ത്തു​ക​യും ചെ​യ്തു. നി​ലോ​ത്‌​പാ​ൽ‌ ദാ​സ് അ​ക്ര​മി​ക​ളോ​ട് ജീ​വ​നു​വേ​ണ്ടി യാ​ചി​ക്കു​ന്ന​ത് വീ​ഡി​യോ​യി​ൽ കാ​ണാം. താ​ൻ ആ​സാ​മി​യാ​ണെ​ന്നും ത​ന്നെ കൊ​ല്ല​രു​തെ​ന്നും ഇ​യാ​ൾ അ​ക്ര​മി​ക​ളോ​ട് അ​പേ​ക്ഷി​ച്ചെ​ങ്കി​ലും ചെ​വി​ക്കൊ​ണ്ടി​ല്ല. നി​ലോ​ത്‌​പാ​ൽ‌ ദാ​സ് സൗ​ണ്ട് എ​ൻ​ജി​നീ​യ​റാ​ണ്. മും​ബൈ​യി​ലും ഗോ​വ​യി​ലു​മാ​ണ് ഇ​യാ​ൾ പ്ര​വ​ർ​ത്തി​ച്ചു​വ​ന്ന​ത്. അ​ഭി​ജി​ത് സ്വ​ന്ത​മാ​യി ബി​സി​ന​സ് ന​ട​ത്തി​വ​രു​ക​യാ​യി​രു​ന്നു. മുഖ്യമന്ത്രി സര്‍ബാനന്ദ സോനോവാള്‍ സംഭവം അപലപിച്ച് രംഗത്തെത്തിയിട്ടുണ്ട്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: 2 men mistaken for child kidnappers beaten to death in assam

Next Story
നാഥനില്ലാ കളരി; സംസ്ഥാനത്ത് പകുതിയോളം സര്‍ക്കാര്‍ കോളജുകളില്‍ പ്രിന്‍സിപ്പല്‍മാരില്ലprincipal, college
The moderation of comments is automated and not cleared manually by malayalam.indianexpress.com