വീടിന് മുന്നില്‍ ഉറങ്ങിക്കിടന്ന കുട്ടികളുടെ മുകളിലൂടെ റോഡ് റോളര്‍ കയറി 14 കാരന്‍ മരിച്ചു

സംഭവത്തിന് പിന്നാലെ തന്നെ റോഡ് റോളറിന്റെ ഡ്രൈവര്‍ ഓടി രക്ഷപ്പെടുകയായിരുന്നു. ഇയാളെ കണ്ടെത്തിയിട്ടില്ല

death, മരണം, ie malayalam, ഐഇ മലയാളം

നോയിഡ: വീടിനു മുന്നില്‍ ഉറങ്ങിക്കിടന്ന കുട്ടികളുടെ മുകളിലൂടെ റോഡ് റോളര്‍ കയറി 14 കാരന്‍ മരിച്ചു. സംഭവത്തില്‍ പരുക്കേറ്റ മറ്റൊരു കുട്ടി ഇപ്പോഴും ചികിത്സയിലാണ്. കഴിഞ്ഞ ദിവസം രാത്രിയോടെ ഉത്തർപ്രദേശിലെ അമേഠിയില്‍ വച്ചായിരുന്നു സംഭവം.

ആബിദ് എന്ന പതിനാലുകാരനാണ് മരിച്ചത്. സംഭവസ്ഥലത്തു വച്ചു തന്നെയായിരുന്നു ആബിദ് മരിക്കുന്നത്. കൂടെയുണ്ടായിരുന്ന ഷക്കീലാണ് ചികിത്സയില്‍ കഴിയുന്നത്. കുട്ടിയുടെ നില ഗുരുതരാവസ്ഥയിലാണ്. അതേസമയം, സംഭവത്തിന് പിന്നാലെ റോഡ് റോളറിന്റെ ഡ്രൈവർ ഓടി രക്ഷപ്പെടുകയായിരുന്നു. ഇയാളെ കണ്ടെത്തിയിട്ടില്ല.

സംഭവത്തില്‍ കേസെടുത്തിട്ടുണ്ടെന്നും കാണാതായ റോഡ് റോളര്‍ ഡ്രൈവര്‍ക്ക് വേണ്ടി അന്വേഷണം നടക്കുന്നതായും പൊലീസ് അറിയിച്ചു. അതേസമയം, അപകടത്തെക്കുറിച്ച് അറിയിച്ചെങ്കിലും അടിയന്തര സഹായമെത്തിക്കാന്‍ അധികൃതര്‍ തയ്യാറായില്ലെന്ന് നാട്ടുകാര്‍ ആരോപിച്ചു.

നടപടിയെടുക്കണമെന്ന് ആവശ്യപ്പെട്ട് നാട്ടുകാര്‍ മണിക്കൂറുകളോളം റോഡ് ഉപരോധിച്ചു. പിന്നീട് ഈ വിഷയം അന്വേഷിക്കാമെന്ന് ഉറപ്പ് നല്‍കിയതോടെയാണ് നാട്ടുകാര്‍ പിരിഞ്ഞുപോയത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: 14 year old dies after road roller runs over him

Next Story
സ്‌കൂള്‍ അഭിമുഖത്തില്‍ താന്‍ നേരിട്ട ക്രൂരമായ ലിംഗാധിക്ഷേപത്തെക്കുറിച്ച് അധ്യാപിക
The moderation of comments is automated and not cleared manually by malayalam.indianexpress.com