Latest News
രാജ്യത്ത് 44,230 പേർക്ക് കോവിഡ്; 555 മരണം
ഹർഡിൽസിൽ ജാബിർ പുറത്ത്; ബോക്സിങ്ങിൽ മെഡലുറപ്പിച്ച് ലവ്ലിന ബോർഗോഹൈൻ
അമ്പെയ്ത്തിൽ ദീപിക കുമാരി ക്വാർട്ടറിൽ; സ്റ്റീപ്പിൾ ചേസിൽ ദേശിയ റെക്കോഡ് തിരുത്തി അവിനാശ് സാബ്ലെ

ട്രംപിന്റെ മുഖം ഇടിച്ച് പൊളിക്കുമെന്ന് അര്‍നോള്‍ഡ് ഷ്വാസ്‍നഗര്‍

‘നമുക്ക് നമ്മുടെ ജോലികള്‍ പരസ്‍പരം മാറിയെടുക്കാം. ട്രംപ് ചാനല്‍ പരിപാടി അവതരിപ്പിച്ചോളൂ, ഞാന്‍ അമേരിക്കയുടെ പ്രസിഡന്റാകാം’

വാഷിംഗ്ടണ്‍: അമേരിക്കന്‍ പ്രസിഡന്റ് ഡോണള്‍ഡ് ട്രംപും കാലിഫോര്‍ണിയ മുന്‍ ഗവര്‍ണറും ഹോളിവുഡ് താരവുമായ അര്‍നോള്‍ഡ് ഷ്വാസ്‍നഗറും തമ്മിലുള്ള വാക്പോര് പുതിയ തലത്തില്‍. ട്രംപിനെ എങ്ങനെ കൈകാര്യം ചെയ്യുമെന്ന ചോദ്യത്തിന്, ട്രംപിനെ ഒരു കൂടിക്കാഴ്ചക്ക് ക്ഷണിക്കുമെന്നും വന്നാല്‍ താനും തന്റെ സഹായിയും കൂടി ട്രംപിന്റെ മുഖം മേശയില്‍ ഇടിച്ച് പൊളിക്കുമെന്നാണ് ഷ്വാസ്‍നഗര്‍ പറഞ്ഞത്. മെന്‍സ് ജേണലിന് നല്‍കിയ അഭിമുഖത്തിലാണ് ഷ്വാസ്‍നഗറിന്റെ പരാമര്‍ശം.

തെരഞ്ഞെടുപ്പിന് മുമ്പ് ഒരു ചാനലിന്റെ അവതാരകനായിരുന്നു ട്രംപ്. പ്രചരണച്ചൂട് തുടങ്ങിയതോടെ ട്രംപിന് പകരക്കാരനായി അവതാരക കസേരയിലേക്ക് എത്തിയത് അര്‍നോള്‍ഡ് ആയിരുന്നു. എന്നാല്‍ അര്‍നോള്‍ഡ് അവതാരകനായതോടെ പരിപാടിയുടെ റേറ്റിങ് കുറഞ്ഞെന്ന് കഴിഞ്ഞദിവസം ട്രംപ് കളിയാക്കിയിരുന്നു.

ഇതിന് മറുപടിയുമായി അര്‍നോള്‍ഡും രംഗത്തെത്തി. ”നമുക്ക് നമ്മുടെ ജോലികള്‍ പരസ്‍പരം മാറിയെടുക്കാം. ട്രംപ് ചാനല്‍ പരിപാടി അവതരിപ്പിച്ചോളൂ, ഞാന്‍ അമേരിക്കയുടെ പ്രസിഡന്റാകാം, ഇതോടെ അമേരിക്കന്‍ ജനതക്ക് പഴയതു പോലെ സുഖമായി ഉറങ്ങാന്‍ കഴിയുമെന്നുമായിരുന്നു അര്‍നോള്‍ഡിന്റെ പരിഹാസം. ഇതിന് ശേഷമാണ് മെന്‍സ് ജേണലിന്റെ അഭിമുഖത്തിലും അര്‍നോള്‍ഡ് ട്രംപിനെതിരെ പരിഹാസവുമായി രംഗത്തെത്തിയത്.

പ്രസിഡന്റ് പദത്തിലേറി ദിവസങ്ങള്‍ക്കുള്ളില്‍ ട്രംപ് പുറപ്പെടുവിച്ച മുസ്‍ലിം- കുടിയേറ്റ വിരുദ്ധ ഉത്തരവ് അടക്കമുള്ള നടപടികള്‍ക്കെതിരെ ആഗോളതലത്തില്‍ പ്രതിഷേധം ഉയരുന്നതിനിടെ ആയിരുന്നു അര്‍നോള്‍ഡിന്റെ കളിയാക്കല്‍. ഇതിനിടെ മറ്റൊരു ഹോളിവുഡ് താരവും ട്രംപിനെ ഇടിക്കുമെന്ന് പറഞ്ഞ് രംഗത്ത് എത്തിയിട്ടുണ്ട്. റോബര്‍ട്ട് ഡി നീറോയാണ് പ്രസിഡന്റിന്റെ മുഖത്ത് ഇടിക്കുമെന്ന് പറഞ്ഞ് വാര്‍ത്തകളില്‍ നിറഞ്ഞത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: %e0%b4%9f%e0%b5%8d%e0%b4%b0%e0%b4%82%e0%b4%aa%e0%b4%bf%e0%b4%a8%e0%b5%8d%e0%b4%b1%e0%b5%86 %e0%b4%ae%e0%b5%81%e0%b4%96%e0%b4%82 %e0%b4%87%e0%b4%9f%e0%b4%bf%e0%b4%9a%e0%b5%8d%e0%b4%9a%e0%b5%8d

Next Story
ജനങ്ങൾ വോട്ട് ചെയ്തത് ജയലളിതയ്ക്ക്, കുടുംബത്തിൽനിന്നുള്ള ആരെങ്കിലും മുഖ്യമന്ത്രിയാകാനല്ല: സ്റ്റാലിൻmk stalin
The moderation of comments is automated and not cleared manually by malayalam.indianexpress.com
Best of Express