വാ​ഷിം​ഗ്ട​ൺ: മെ​ക്സി​ക്കോ​യി​ലേ​ക്ക് സൈ​ന്യ​ത്തെ അ​യ​ക്കു​മെ​ന്ന് അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ഭീ​ഷ​ണി​പ്പെ​ടു​ത്തി​യ​താ​യി റി​പ്പോ​ർ​ട്ട്. മ​യ​ക്കു​മ​രു​ന്ന് ക​ട​ത്തു​കാ​രെ​യും കു​ടി​യേ​റ്റ​ക്കാ​രെ​യും നി​യ​ന്ത്രി​ക്കാ​ൻ ഭരണകൂടം ത​യാ​റാ​യി​ല്ലെ​ങ്കി​ൽ തങ്ങളുടെ സൈന്യത്തിന് അതിനുള്ള കഴിവുണ്ടെന്നാണ് ട്രംപ് വ്യക്തമാക്കിയതെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു. മെ​ക്സി​ക്ക​ൻ പ്ര​സി​ഡ​ന്‍റ് എ​റി​ക് പെ​ന നീ​റ്റോ​യു​മാ​യി ന​ട​ത്തി​യ ഫോ​ൺ സം​ഭാ​ഷ​ത്തി​ലാ​ണ് ട്രം​പിന്റെ അഭിപ്രായ പ്രകടനം.

വൈറ്റ് ഹൗസില്‍ നിന്നും ചോര്‍ന്ന ഫോ​ൺ സം​ഭാ​ഷ​ണ​ത്തി​ന്‍റെ രേ​ഖ​ക​ൾ സ​ഹി​തം അ​സോ​സി​യേ​റ്റ​ഡ് പ്ര​സാ​ണ് ഇ​ക്കാ​ര്യം റി​പ്പോ​ർ​ട്ട് ചെ​യ്തിട്ടുള്ളത്. ക​ഴി​ഞ്ഞ വെ​ള്ളി​യാ​ഴ്ച​യാ​ണ് ഇ​രു​നേ​താ​ക്ക​ളും ഫോ​ണി​ൽ സം​സാ​രി​ച്ച​ത്. കു​ടി​യേ​റ്റ​ക്കാ​രെ​യും, മ​യ​ക്കു​മ​രു​ന്ന് ക​ട​ത്തു​കാ​രെ​യും ത​ട​യാ​ന്‍ സാ​ധി​ക്കു​ന്നി​ല്ലെ​ങ്കി​ല്‍ ഞ​ങ്ങ​ളു​ടെ സൈ​ന്യം അ​തി​ന് ത​യാ​റാ​ണെ​ന്ന് ട്രം​പ് നീ​റ്റോ​യെ അ​റി​യ​ച്ച​താ​യി എ​പി റി​പ്പോ​ര്‍​ട്ട് ചെ​യ്യു​ന്നു.

സൈന്യത്തെ അയക്കുമെന്ന ഭീഷണിയോ, സൈന്യത്തെ അയക്കാമെന്ന സന്നദ്ധതയോ ആണ് ട്രംപ് അറിയിച്ചതെന്ന് ഗാര്‍ഡിയന്‍ റിപ്പോര്‍ട്ട് ചെയ്യുന്നു. ‘മെക്സിക്കോയില്‍ മോശപ്പെട്ട ആള്‍ക്കാരുടെ കടന്നുകയറ്റമുണ്ട്. അവരെ നിയന്ത്രിക്കാന്‍ നിങ്ങളൊന്നും ചെയ്യുന്നില്ല. എനിക്ക് തോന്നുന്നു നിങ്ങളുടെ സൈന്യത്തിന് പേടിയാണെന്ന്, ഞങ്ങളുടെ സൈന്യത്തിന് അതില്ല. അത്തരക്കാരെ കൈകാര്യം ചെയ്യാന്‍ ഞാന്‍ സൈന്യത്തെ അയക്കുന്നതാണ് നല്ലതെന്നാണ് കരുതുന്നത്’, ഇതായിരുന്നു ട്രംപിന്റെ വാക്കുകളെന്ന് ഗാര്‍ഡിയന്‍ റിപ്പോര്‍ട്ട് ചെയ്യുന്നു.

മോശപ്പെട്ട ആള്‍ക്കാരെന്ന പരാമര്‍ശം കൊണ്ട് ട്രപ് ഉദ്ദേശിച്ചത് മയക്കുമരുന്നുകാരേയും കുടിയേറ്റക്കാരേയുമാണെന്നാണ് മെക്സിക്കന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നത്. . അമേരിക്ക- മെക്‌സിക്കോ അതിര്‍ത്തിയില്‍ മതില്‍ കെട്ടണമെന്നും അതിനുള്ള പണം മെക്‌സിക്കോ നല്‍കണമെന്നുള്ള ഡോണള്‍ഡ് ട്രംപിന്റെ പരാമര്‍ശത്തില്‍ ഇരു രാജ്യങ്ങളും തമ്മിലുള്ള ബന്ധം വശളായിരുന്നു. ഇതിനിടയിലാണ് ഭീഷണിയുമായി ട്രംപ് രംഗത്തെത്തിയത്.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ