EPFO 3.0 വരുന്നു; ബാങ്ക് സേവനങ്ങളും യുപിഐ വഴി പണം പിൻവലിക്കലും ഇനി വിരൽത്തുമ്പിൽ

എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ (EPFO) നടപ്പിലാക്കുന്ന പുതിയ സാങ്കേതിക നവീകരണമായ 'EPFO 3.0' ഇപ്പോൾ ഗൂഗിൾ ട്രെൻഡിംഗിൽ ഇടംപിടിച്ചിരിക്കുകയാണ്. ബാങ്ക് സേവനങ്ങൾക്ക് സമാനമായ സൗകര്യങ്ങൾ, അതിവേഗ ക്ലെയിം സെറ്റിൽമെന്റ്, യുപിഐ വഴി പണം പിൻവലിക്കാനുള്ള സൗകര്യം എന്നിവയാണ് ഈ പുതിയ പ്ലാറ്റ്‌ഫോമിന്റെ പ്രധാന ആകർഷണങ്ങൾ. ഇന്ത്യയിലെ 30 കോടിയോളം വരുന്ന വരിക്കാർക്ക് ഗുണകരമാകുന്ന രീതിയിൽ പൂർണ്ണമായും ഡിജിറ്റൽ സംവിധാനത്തിലേക്ക് മാറാനാണ് ഇപിഎഫ്ഒ ലക്ഷ്യമിടുന്നത്.

Also Read: 3,100 കോടിയുടെ ആസ്തി, 100 കോടിയുടെ സ്കൈ വില്ല, 33 കോടിയുടെ ഫാം ഹൗസ്; സൂപ്പർ റിച്ചാണ് ഹൃത്വിക്

കഴിഞ്ഞ ഏതാനും ദിവസമായി ഗൂഗിൾ സെർച്ചിൽ EPFO 3.0-നെക്കുറിച്ചുള്ള തിരച്ചിൽ വൻതോതിൽ വർദ്ധിച്ചിട്ടുണ്ട്. കോടിക്കണക്കിന് ശമ്പളക്കാരായ ജീവനക്കാർ തങ്ങളുടെ പിഎഫ് സമ്പാദ്യവും അത് പിൻവലിക്കാനുള്ള എളുപ്പവഴികളും നിരീക്ഷിക്കുന്നതാണ് ഇതിന് കാരണം. ഇപിഎഫ്ഒ സേവനങ്ങളെ "ഒരു ബാങ്ക് പോലെ എളുപ്പത്തിൽ ലഭ്യമാക്കും" എന്ന് കേന്ദ്ര തൊഴിൽ മന്ത്രി മൻസുഖ് മാണ്ഡവ്യ നേരത്തെ സൂചിപ്പിച്ചിരുന്നു.

എന്താണ് EPFO 3.0? 
പുതിയ സോഫ്റ്റ്‌വെയർ ആർക്കിടെക്ചർ, എഐ (AI) അധിഷ്ഠിത ഭാഷാ ടൂളുകൾ എന്നിവ വഴി ക്ലെയിമുകൾ വേഗത്തിൽ തീർപ്പാക്കും എന്നതാണ് EPFO 3.0ന്റെ പ്രധാന പ്രത്യേകതകൾ.  യുപിഐ (UPI) വഴി പണം പിൻവലിക്കാനുള്ള സൗകര്യവും ഇവിടെയുണ്ട്. പിഎഫ് ബാലൻസിന്റെ അനുവദനീയമായ ഭാഗം യുപിഐ ഉപയോഗിച്ച് നേരിട്ട് ബാങ്ക് അക്കൗണ്ടിലേക്ക് മാറ്റാൻ സാധിക്കും എന്നതാണ് ഏറ്റവും വലിയ പ്രത്യേകത.

Also Read: 116 കോടിയുടെ ആസ്തി, 15 കോടിയുടെ കൊട്ടാരം; വിജയ്-രശ്മിക ജോഡികളുടെ ആഡംബര ലോകം!

ഓട്ടോമേറ്റഡ് ക്ലെയിം സെറ്റിൽമെന്റ് സൗകര്യവും ഇവിടെ ലഭ്യമാണ്. ഉദ്യോഗസ്ഥരുടെ ഇടപെടലില്ലാതെ തന്നെ ക്ലെയിമുകൾ ഓട്ടോമാറ്റിക്കായി തീർപ്പാക്കാനുള്ള സംവിധാനമാണ് EPFO 3.0 ഒരുക്കുന്നത്.

ബാങ്കിന് സമാനമായ ആക്സസ് ആണ് ഇതുവഴി ലഭിക്കുന്നത്. എടിഎം മാതൃകയിൽ പിഎഫ് ഫണ്ടുകൾ ആക്സസ് ചെയ്യാനുള്ള സൗകര്യം ലഭ്യമാക്കുന്നതിലൂടെ ദീർഘകാലം കാത്തിരിക്കേണ്ടി വരുന്ന അവസ്ഥ ഒഴിവാകും. മാത്രമല്ല, നോമിനികൾക്ക് മരണാനന്തര ക്ലെയിമുകൾ സെറ്റിൽ ചെയ്യുന്നതും കൂടുതൽ ലളിതമാക്കും.

Also Read: 5 വർഷത്തിനുള്ളിൽ 33% വാർഷിക വരുമാനം നൽകുന്ന 5 മികച്ച മ്യൂച്വൽ ഫണ്ടുകൾ

ടിസിഎസ് (TCS), ഇൻഫോസിസ്, വിപ്രോ എന്നീ പ്രമുഖ ഐടി കമ്പനികളെയാണ് ഈ പദ്ധതിയുടെ നടത്തിപ്പിനായി ഇപിഎഫ്ഒ പരിഗണിച്ചിരിക്കുന്നത്. സെൻട്രലൈസ്ഡ് പെൻഷൻ പേയ്‌മെന്റ് സിസ്റ്റം (CPPS), പരിഷ്കരിച്ച ഇലക്ട്രോണിക് ചലാൻ (ECR) സിസ്റ്റം എന്നിവയും ഇതിന്റെ ഭാഗമായി വരും.

നിലവിൽ പ്രതിവർഷം അഞ്ച് കോടിയിലധികം ക്ലെയിമുകൾ കൈകാര്യം ചെയ്യുന്ന ഇപിഎഫ്ഒയിലെ കാലതാമസം ഒഴിവാക്കാൻ ഈ നവീകരണം സഹായിക്കുമെന്നാണ് പ്രതീക്ഷിക്കുന്നത്. "ഇപിഎഫ്ഒ സംവിധാനത്തിലെ തടസ്സങ്ങൾ നീക്കാനുള്ള വലിയൊരു ശ്രമം നടക്കുകയാണ്," എന്ന് പ്രധാനമന്ത്രിയുടെ സാമ്പത്തിക ഉപദേശക സമിതി അംഗം സഞ്ജീവ് സന്യാൽ നേരത്തെ അഭിപ്രായപ്പെട്ടിരുന്നു.

Also Read: കേന്ദ്ര ജീവനക്കാർക്ക് ഇനി എളുപ്പത്തിൽ പിഎഫിൽ നിന്ന് പണം പിൻവലിക്കാം