Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

മാന്ത്രികപ്പാവ-വി ടി ജയദേവൻ എഴുതിയ കവിത

“പിന്നീടയാള്‍ യുദ്ധങ്ങളെക്കുറിച്ചു സംസാരിക്കാന്‍ തുടങ്ങി. പട്ടാളക്കാരനാകലിന്റെ പൂര്‍ണത യുദ്ധമാണ്. യുദ്ധത്തിന്റെ പൂര്‍ണത മരണവും.” വി ടി ജയദേവൻ എഴുതിയ കവിത

V T Jayadevan, Poem, IE Malayalam

കാമുകിയുടെ ഭര്‍ത്താവ്
കാണാന്‍ വരുന്നതായി സ്വപ്നമുണ്ടായി.
ആള്‍ പട്ടാളക്കാരന്‍,
ശാന്തന്‍
സൗമ്യന്‍.
സമ്മാനമായി
ഒരു മരപ്പാവയും കൊണ്ടു വന്നു.

മാന്ത്രികതയുള്ളൊരു
പെണ്‍കുട്ടിയാണിവള്‍,
ആള്‍ പറഞ്ഞു,
എന്തു സങ്കടമുണ്ടായാലും
ഇവളുടെ കണ്ണില്‍ നോക്കി
കുറച്ചു നേരം ഇരുന്നാല്‍മതി.

പിന്നീടയാള്‍ യുദ്ധങ്ങളെക്കുറിച്ചു
സംസാരിക്കാന്‍ തുടങ്ങി.
പട്ടാളക്കാരനാകലിന്റെ പൂര്‍ണത
യുദ്ധമാണ്.
യുദ്ധത്തിന്റെ പൂര്‍ണത മരണവും.

V T Jayadevan, Poem, IE Malayalam

ഞാനയാളെ നോക്കാതെ
മാന്ത്രികപ്പാവയുടെ
കണ്ണിലേയ്ക്കു നോക്കി.
എനിക്കാ പവക്കുട്ടിയെ
ഇഷ്ടമായെന്നൂഹിച്ചാവും
അടുത്ത തവണ വരുമ്പോള്‍
ഇവള്‍ക്കൊരു
കൂട്ടുകാരനെകൊണ്ടു വരാം
എന്നയാള്‍ പറഞ്ഞത്.

അതു വേണ്ട,
ഞാന്‍ തമാശയാക്കി,
ഞാനാണിവളുടെ കൂട്ടുകാരന്‍.
നിങ്ങളിനി വരുമ്പോഴേയ്ക്കും
ഞങ്ങള്‍
പ്രണയത്തിലായി കഴിഞ്ഞിരിക്കും.

ഹഹ… അയാള്‍ ചിരിച്ചു.
അപ്പോഴേയ്ക്കുമവള്‍
ഗര്‍ഭവതിയും ആയിരിക്കട്ടെ.

Read More: വി ടി ജയദേവൻ എഴുതിയ മറ്റു കവിതകള്‍ ഇവിടെ വായിക്കാം

Get the latest Malayalam news and Literature news here. You can also read all the Literature news by following us on Twitter, Facebook and Telegram.

Web Title: Vt jayadevan new poem maanthrika paava

Next Story
അജബലി – ഷിമ്മി തോമസ് എഴുതിയ കഥshimmy thomas, story , iemalayalam
The moderation of comments is automated and not cleared manually by malayalam.indianexpress.com