Latest News
റഷ്യയെ ബല്‍ജിയം എതിരില്ലാത്ത മൂന്ന് ഗോളിന് തകര്‍ത്തു
സംസ്ഥാനത്ത് ഇന്നും സമ്പൂര്‍ണ നിയന്ത്രണം; ടിപിആര്‍ കുറയുന്നു
ഓക്സിജന്‍ ഉത്പാദനം വര്‍ദ്ധിപ്പിക്കണം; കേന്ദ്രത്തെ സമീപിച്ച് സംസ്ഥാനങ്ങള്‍
1.32 ലക്ഷം പേര്‍ക്ക് രോഗമുക്തി; 80,834 പുതിയ കേസുകള്‍
സംസ്ഥാനത്ത് കാലവര്‍ഷം ശക്തിപ്പെട്ടു; എല്ലാ ജില്ലകളിലും യെല്ലോ അലര്‍ട്ട്

റിയർ വ്യൂ മിറർ – സാബ്ലൂ തോമസ് എഴുതിയ കവിത

“അല്ലെങ്കിൽ രണ്ടു കാഴ്ചകൾ കൂടിമുട്ടി ദൃശ്യങ്ങളുടെ മരണം സംഭവിക്കുമായിരുന്നു”

sabloo thomas, poem,

കാറിലെ റിയർ വ്യൂ മിറർ
ഭൂത കാലങ്ങളെ തൊടാൻ കൊതിക്കുന്നു.
പുറകോട്ട് നോട്ടങ്ങൾ നീട്ടി
അകലെയുള്ളവയെ അടുത്തായി
തോന്നിപ്പിക്കുന്നു.

കാഴ്ചയുടേത് ഏക ശിലാത്മകമായ
ഒരു രൂപമോ രൂപകമോ അല്ല
പുറക്കോട്ടു നോക്കുമ്പോൾ
ചിലപ്പോൾ നമ്മൾ കാണുന്നത്
അകത്തെ കാഴ്‌ച കൂടിയാണ്.

റിയർ വ്യൂ മിററിൽ
നമ്മൾ കാണുന്ന കാർ
അടുത്തടുത്ത് വരും തോറും
നമ്മുടെ കാറും മുന്നോട്ട്
നീങ്ങുന്നുണ്ടെന്നതാണ് ഒരാശ്വാസം

sabloo thomas, poem,

അല്ലെങ്കിൽ രണ്ടു കാഴ്ചകൾ
കൂടിമുട്ടി ദൃശ്യങ്ങളുടെ
മരണം സംഭവിക്കുമായിരുന്നു.
നമ്മുടെ കാറിനു പുറകിൽ
വരുന്ന കാറിന്റെ റിയർ വ്യൂ മിററിലും
സമാനമായ ഒരു കാഴ്ചയുണ്ട്.

അതിനു പിറകിൽ മറ്റൊന്ന്
എന്ന കണക്കിന് അത്
പുറകോട്ടു പോയി കൊണ്ടിരിക്കും.

ചിലപ്പോൾ ഒരു ട്രാഫിക്ക് ബ്ലോക്ക്
അതിന്റെ നൈരന്തര്യത്തെ
തകർക്കാമെങ്കിലും
മുന്നിൽ മാത്രമല്ല പിന്നിലുള്ള
ജീവിതങ്ങളും അത്ര തന്നെ
പ്രസക്തമാണെന്ന് അവ ഓർമ്മിപ്പിക്കുന്നു.

Get the latest Malayalam news and Literature news here. You can also read all the Literature news by following us on Twitter, Facebook and Telegram.

Web Title: Rear view mirror poem sabloo thomas

Next Story
കാമാഖ്യ: ജ്ഞാനഭൂമികയുടെ മോക്ഷശാസ്ത്രംkamakhya , novel, pradeep bhaskar ,malayalam novel
The moderation of comments is automated and not cleared manually by malayalam.indianexpress.com