1

നമ്മുടെ കിടക്കയിൽ

പമ്മിയിരിക്കാറുണ്ട് ഒരു കാട്ടുകുതിര

അതിൻ്റെ പ്രേതം

നമ്മിലൊരാളെ

കീഴ്പ്പെടുത്താറുമുണ്ട്.

ഞാനോ നീയോ എന്ന

പരമ രഹസ്യം

വേഴ്ചാ മുറിവുകളിൽ

നീറിയിരുന്നോട്ടെ.ragila saji ,poems ,iemalayalam

2

ഒരേ കിടക്കയിൽ

പുറം തിരിഞ്ഞ് രാത്രി

കഴിച്ച് കൂട്ടുമ്പോഴും

ഒരേ പറത്തം പറക്കും

പക്ഷികളാണു നാം.

കാലമേറെക്കഴിയേണ്ട

നിൻ്റെ തൂവലുകളിൽ പറ്റിയ

എൻ്റെ വീർപ്പ് നീ കണ്ടെടുത്തേക്കും.

അന്നേരം നമുക്കുണ്ടായേക്കില്ല

ഒരേ പറത്തം

പുറന്തിരിഞ്ഞെങ്കിലുമുറങ്ങാൻ

ഒരേ രാത്രി !ragila saji ,poems ,iemalayalam

3

ഉടഞ്ഞ മുലകളും തളർന്ന വൃഷണവും

വാരിയണിഞ്ഞ്

കിടക്കവിട്ടെണീറ്റ് മുഖം കഴുകി

നീ പത്രം വായിക്കാനും

ഞാൻ ചായ തിളപ്പിക്കാനും പോകും.ragila saji ,poems ,iemalayalam

4

തലയണകൾക്കുള്ളിൽ

പ്രാവുകൾ കുറുകാറുണ്ട്

ഒന്നും ചെയ്യാനില്ലാത്ത

പകലുകളിൽ.

ചിലപ്പോൾ കൊമ്പുമുട്ടിച്ച്

രണ്ട് കാട്ടുമൃഗങ്ങൾ

മുക്രയിടുന്നതും കേൾക്കാം.ragila saji ,poems ,iemalayalam

5

ബെഡ്ഷീറ്റിൽ

മയിലുകളുടെ ചിത്രമുണ്ട്.

അവയോടപ്പം

നീ നൃത്തം ചെയ്യാറുണ്ട്.

കിടക്കയിൽ കാട് പൂക്കാറുണ്ട്.ragila saji ,poems ,iemalayalam

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook