മരിച്ചവനെപ്പറ്റി ഒരു ദൃഷ്ടാന്തകഥ (ചിത്രകാരൻ അശാന്തന്)

മരിച്ചവനെപ്പറ്റി ഒരു ദൃഷ്ടാന്തകഥ (ചിത്രകാരൻ അശാന്തന്)

മുഷിഞ്ഞടർന്ന ചുവരിൽ

ഒരു കറുത്ത ചിത്രം

വാടിയ വാഴയിലയിൽ

ഒരു കറുത്ത മൃതദേഹം

ഒലിച്ചുപോകുന്നു –

എല്ലാ സൂര്യന്മാരും

അണഞ്ഞുപോകുന്ന

അതേ കറുപ്പിലേക്ക്.

("ശുശ്രൂഷക്കുള്ള ഞങ്ങളുടെ വസ്ത്രം

അവിടെ വെച്ചേക്കണം;

അവ വിശുദ്ധമല്ലോ;

വേറെ വസ്ത്രം ധരിച്ചിട്ടേ അവർ

ജനത്തിനുള്ള സ്ഥലത്തു ചെല്ലാവൂ.")

*നിന്നെ ഒരു മുടന്തുന്ന

കുതിരച്ചിത്രത്തിൽ കയറ്റി

ഞാൻ കൊണ്ടുപോകുന്നു –

ചെളിപുരണ്ട മേഘങ്ങൾക്കിടയിലൂടെ

ചൊവ്വാഴ്ചകളും

വെള്ളിയാഴ്ചകളുമില്ലാത്ത

അതേ കറുപ്പിലേക്ക്.

("നിന്‍റെ പേർ മാത്രം ഞങ്ങൾക്കിരിക്കട്ടെ;

ഞങ്ങളുടെ നിന്ദ നീക്കിക്കളയേണമേ!" )

*ദർബാർ ഹാളിൽ മുമ്പൊരിക്കൽ പ്രദർശിപ്പിച്ച The Parable of A Dead man എന്ന എന്‍റെ ചിത്രത്തിന്‍റെ ഓർമ്മ .

Read More: ജയകൃഷ്ണൻെറ മറ്റ് കവിതകളും ചിത്രങ്ങളും ഇവിടെ വായിക്കാം

ആളൊഴിഞ്ഞ ഒരെഴുത്ത്

മറവി എന്ന വീട്ടിൽ