നിറങ്ങൾ ചിന്തുന്ന
ഒരു
പൂമ്പാറ്റക്കാലം കൊണ്ട്
എത്രയെളുപ്പത്തിലാണ്
ഒറ്റയ്ക്കു വേവിന്റെ
മടുപ്പുകളെ നാം
മറന്നു കളയുന്നത് ..?!

പ്യൂപ്പയിൽ
പട്ടു പോവുന്ന
കവിതകളെക്കുറിച്ച്
ആരാണ് വേവലാതിപ്പെടുക !

എത്ര ചെറുതെങ്കിലും
നിറങ്ങളുടെ
അടയാളങ്ങൾ മാത്രമല്ലേ
നനവെന്ന്,
തണുപ്പെന്ന്
വായിക്കുന്നുള്ളൂ.

എഴുതാതെ പോയ
കവിതകളല്ലേ
നിന്റെ
ഉറക്കങ്ങളെ മുറിച്ച്
ചീവീടുകളെന്ന്
അലോസരപ്പെടുത്തുന്നത് ..!

അകറ്റപ്പെട്ടവരുടെ
സിംഫണിയാണ്
ചീവീടുകളുടെ
ആഘോഷങ്ങൾ..

Off Note, Laju G L

Illustration : Vishnu Ram

അമർത്തി വെക്കപ്പെട്ട മൗനങ്ങൾ
എത്രമേൽ
വാചാലമെന്ന്
ഉച്ചസ്ഥായിയിലെ സ്വരങ്ങൾ
നമ്മെ
കൊന്നു കൊണ്ടേ
ഇരിക്കട്ടെ.

Get Malayalam News and latest news update from India and around the world. Stay updated with today's latest Literature news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ