Latest News
സത്യപ്രതിജ്ഞ മാമാങ്കത്തില്‍ യുഡിഎഫ് പങ്കെടുക്കില്ല
മന്ത്രിമാർ ആരൊക്കെ? സിപിഎം, സിപിഐ നേതൃയോഗങ്ങൾ ഇന്ന്
മന്ത്രിസ്ഥാനം രണ്ടാമൂഴത്തിലായത് സഹോദരിയുടെ ആരോപണത്താലല്ലെന്ന് ഗണേഷ് കുമാർ
കാനറാ ബാങ്ക് തട്ടിപ്പ്: പണം എങ്ങോട്ടുപോയി? പൊലീസിനെ കുഴക്കി പ്രതി വിജീഷ് വർഗീസ്
കോവിഡ് ചികിത്സ: പ്ലാസ്മ തെറാപ്പി ഒഴിവാക്കി, ഫലപ്രദമല്ലെന്ന് ഐസിഎംആർ
ടൗട്ടെ ചുഴലിക്കാറ്റ് ഗുജറാത്ത് തീരം തൊട്ടു
കേരളത്തില്‍ അഞ്ച് ജില്ലകളില്‍ ശക്തമായ മഴയ്ക്ക് സാധ്യത
രാജ്യത്ത് കോവിഡ് മരണനിരക്ക് ഉയരുന്നു, 2.63 ലക്ഷം പുതിയ കേസുകള്‍

പേറ് കവിതകൾ

തള്ളിതള്ളിയാണു ഞാൻ പിറന്നതെങ്കിൽ വല്യുപ്പയുടെ വെല്ലുവിളി സ്വീകരിച്ചേനേ ഉപ്പ. നോവറിയാത്ത പ്രസവത്താൽ – ശപിക്കപ്പെടില്ലായിരുന്നു ഞങ്ങളുടെ ഉമ്മമാർ

adil madathil , poem, iemalayalam

 

പേറ് കരച്ചിൽ

തറവാട്ടിൽ തട്ടിന്മോളിൽ ഇരുട്ടിലിരിക്കും
താവഴിയായൊരു ചാരുകസേരയിൽ
കരിവാലൻ വെള്ളയവൾ നിറവയറിൽ.

പളുങ്കുകണ്ണുകളണയാതെ,
കിനിയാതാറുമുലക്കണ്ണുകളും
തുറിച്ചു രോമം വിറച്ചു –
മാന്തിക്കീറിയ ശീലയഴിച്ചു ശവംകെട്ടി
കലുങ്കിനതിരിൽ കല്ലുവെച്ചു.

വെളിച്ചത്തിൽ ഇറക്കിയിരുത്തി
പൊടിതട്ടി തുടച്ചെടുത്ത്
അഴിഞ്ഞ സ്ക്രൂവുകൾ മുറുക്കിവെച്ച്
ചാരുകസേരയിൽ തുണിയിട്ടു.

ചില്ലുടഞ്ഞ ജനലരികിൽ
തൊടിയിൽ നോക്കിയിരിക്കും
മുകളിലെ മുറിയിൽ ചാരുകസേര.

കൈതചക്ക മണക്കും കാറ്റലയായൊരു
പേറ് കരച്ചിൽ ഇരുന്നാൽ കേൾക്കാം.adil madathil , poem, iemalayalam

പേറ് കണക്ക്

ജനിക്കുമ്പോൾ നീലയായിരുന്നു ഞാൻ
കുടുംബത്തിൽ ആദ്യത്തെ സിസേറിയൻ.

പച്ചമറകൾക്കകത്തൂടെയറ്റത്തിരുട്ടിലേക്കു-
രുണ്ടുപോകുന്നുമ്മയിന്നും സ്വപ്നത്തിൻ –
സ്ട്രെച്ചറിൽ ഓർമയുടെ ചക്രങ്ങളിൽ.

അഞ്ചാണും നാലുപെണ്ണുമായ്
ഒൻപതു പെറ്റ ഉമ്മുമ്മയെ ഓർമിക്കും ഉപ്പ
ഉമ്മയെന്നെ പ്രസവിച്ച കഥ പറയുമ്പോൾ.adil madathil , poem, iemalayalam

രണ്ടാംവയസ്സിലെനിക്കനുജത്തിയായ് രണ്ടാം സിസേറിയനായിരുന്നവൾ.

തള്ളിതള്ളിയാണു ഞാൻ പിറന്നതെങ്കിൽ
വല്യുപ്പയുടെ വെല്ലുവിളി സ്വീകരിച്ചേനേ ഉപ്പ.

നോവറിയാത്ത പ്രസവത്താൽ –
ശപിക്കപ്പെടില്ലായിരുന്നു ഞങ്ങളുടെ ഉമ്മമാർ –

ഇന്നു ഞങ്ങളോട്,
നിങ്ങൾക്ക് സ്നേഹ-
മുണ്ടാവില്ലെന്നു വിതുമ്പുകില്ലായിരുന്നു.

Get the latest Malayalam news and Literature news here. You can also read all the Literature news by following us on Twitter, Facebook and Telegram.

Web Title: Adil madathil poem peru kavithakal

Next Story
കഥയും ജീവിതവും-‘നനഞ്ഞ ചുവരുകൾ’george joseph , story ,iemalayalam
The moderation of comments is automated and not cleared manually by malayalam.indianexpress.com
Best of Express