വൈറ്റ്ഹെഡ്സ് വളരെ സാധാരണമാണ്. അവ കോമഡോണൽ അല്ലെങ്കിൽ ലോ ഗ്രേഡ് മുഖക്കുരു വൾഗാരിസിന്റെ ഒരു രൂപമായി കണക്കാക്കപ്പെടുന്നു. “മുഖക്കുരുവിനെ രണ്ട് വിഭാഗങ്ങളായി തിരിക്കാം: നോൺ-ഇൻഫ്ലമേറ്ററി, ഇൻഫ്ലമേറ്ററി. കോമഡോണൽ മുഖക്കുരു നോൺ-ഇൻഫ്ലമേറ്ററിയാണ്, അതിൽ ബ്ലാക്ക്ഹെഡ്സ് (ഓപ്പൺ), വൈറ്റ്ഹെഡ്സ് (ക്ലോസ്ഡ്) എന്നിവ ഉൾപ്പെടുന്നു,” മുബൈയിലെ സ്കിൻ സാഗ സെന്റർ ഫോർ ഡെർമറ്റോളജിയിലെ ചീഫ് ഡെർമറ്റോളജിസ്റ്റും മെഡിക്കൽ കൺസൾട്ടന്റ്-എന്റോഡ് ഫാർമസ്യൂട്ടിക്കൽസും ഡോ. അസീം ശർമ്മ പറയുന്നു.
ചർമ്മത്തിന്റെ ഉപരിതലത്തിൽ വൃത്താകൃതിയിലുള്ളതും ചെറുതും വെളുത്തതുമായ മുഴകളായാണ് വൈറ്റ്ഹെഡ്സ് സാധാരണയായി കാണപ്പെടുന്നതെന്ന് വിദഗ്ധൻ പറയുന്നു. കോശങ്ങൾ, സെബം, അവശിഷ്ടങ്ങൾ എന്നിവയാൽ സുഷിരങ്ങൾ അടഞ്ഞുപോകുമ്പോഴാണ് ഇത്തരത്തിലുള്ള കുരുക്കൾ ഉണ്ടാകുന്നത്.
“അടഞ്ഞുപോയ സുഷിരത്തിൽ നേർത്ത ചർമ്മ പാളി അടങ്ങിയിരിക്കുന്നു. അത് വെളുത്തതായി തോന്നുകയും അതിന് ഈ പേര് നൽകുകയും ചെയ്യുന്നു. തോളുകൾ, മുഖം, നെഞ്ച്, കഴുത്ത്, പുറം എന്നിവിടങ്ങളിൽ സാധാരണയായി വൈറ്റ്ഹെഡ്സ് സാധാരണമാണ്. വൈറ്റ്‌ഹെഡുകളുടെ വലുപ്പം വ്യത്യാസപ്പെടാം, ചിലപ്പോൾ ഇവ വളരെ ചെറുതായിരിക്കാം, ”ഡോ. അസീം പറഞ്ഞു.
വൈറ്റ് ഹെഡ്‌സും ബ്ലാക്ക്‌ഹെഡും തമ്മിലുള്ള വ്യത്യാസം
വൈറ്റ്‌ഹെഡ്‌സും ബ്ലാക്ക്‌ഹെഡ്‌സും കോമഡോണൽ മുഖക്കുരുവിന്റെ ഏറ്റവും സാധാരണമായ രൂപങ്ങളാണ്. ഈ രണ്ടും തമ്മിലുള്ള പ്രധാന വ്യത്യാസം എന്തെന്നാൽ, വൈറ്റ്‌ഹെഡിന്റെ സുഷിരങ്ങൾ “മുകളിൽ നിന്ന് മൃദുവായ പാളിയാൽ അടഞ്ഞിരിക്കും, അതേസമയം ബ്ലാക്ക്ഹെഡ്സ് തുറന്നിരിക്കുന്നു. സെബത്തിന്റെയും വരണ്ട ചർമ്മത്തിന്റെയും ഓക്‌സിഡേഷൻ ഇരുണ്ട നിറത്തിലാകുന്നു) ”.
വൈറ്റ്ഹെഡ്സ് പലപ്പോഴും ബാക്ടീരിയ, ചർമ്മകോശങ്ങൾ, സെബം എന്നിവയാൽ നിറഞ്ഞിരിക്കുന്നു. എന്നാൽ ചർമ്മത്തിന്റെ ഉപരിതലത്തിൽ ഒരു സൂക്ഷ്മമായ ഓപ്പണിംഗ് ഉണ്ട്. ബ്ലാക്ക്‌ഹെഡുകളിൽ നിന്ന് വ്യത്യസ്തമായി, വൈറ്റ്‌ഹെഡുകൾ ഇരുണ്ടതായി മാറില്ല. കാരണം സുഷിരത്തിനുള്ളിലെ സെബം വായു വിതരണത്തിന്റെ അഭാവം കാരണം ഓക്‌സിഡൈസ് ചെയ്യില്ല, ”ഡോ. അസീം വിശദീകരിച്ചു.
വൈറ്റ്ഹെഡ്സ് അകറ്റാനുള്ള മാർഗങ്ങൾ
ആവി കൊള്ളുക
ചർമ്മം നീരാവിക്ക് വിധേയമാകുമ്പോൾ, സുഷിരങ്ങൾ താൽക്കാലികമായി തുറക്കുന്നു. വൈറ്റ്ഹെഡ്സ് ഉള്ളവർ, വൈറ്റ്‌ഹെഡ് ഉള്ള ശരീരഭാഗത്ത് ആവി പിടിക്കുന്നത് നല്ലതാണ്.
ടീ ട്രീ ഓയിൽ
ടീ ട്രീ ഓയിലിന് ആന്റിമൈക്രോബയൽ, ആന്റി-ഇൻഫ്ലമേറ്ററി ഗുണങ്ങളുണ്ട്. മിക്ക ഫേഷ്യൽ വാഷുകളും ക്ലീനറുകളും ടോണറുകളും ടീ ട്രീ ഓയിൽ ഒരു ഘടകമാണ്. ടീ ട്രീ ഓയിൽ ഒരു കോട്ടൺ പാഡിന്റെ സഹായത്തോടെ വൈറ്റ്ഹെഡിൽ നേരിട്ട് ഉപയോഗിക്കാവുന്നതാണ്.
ജങ്ക് ഫുഡ് ഒഴിവാക്കുക
ജങ്ക് ഫുഡ് അല്ലെങ്കിൽ വറുത്ത ഭക്ഷണങ്ങൾ ചർമ്മത്തെ എണ്ണമയമുള്ളതിലേക്ക് നയിച്ചേക്കാം. ഇത് വൈറ്റ്ഹെഡ്സ് അല്ലെങ്കിൽ ബ്ലാക്ക്ഹെഡ്സ് ഉണ്ടാക്കാം. അതിനാൽ, എണ്ണമയമുള്ള ഭക്ഷണം ഒഴിവാക്കി പഴങ്ങളും പച്ചക്കറികളും പോലുള്ള ആരോഗ്യകരമായ ബദലുകൾ ഉപയോഗിക്കുക.
ക്ലെൻസിങ്
നിങ്ങളുടെ ചർമ്മത്തിന്റെ തരത്തിന് അനുയോജ്യമായ ക്ലെൻസർ / ഫേസ് വാഷ് ഉപയോഗിച്ച് ദിവസത്തിൽ രണ്ടുതവണയെങ്കിലും.
ചർമ്മ സംരക്ഷണ ദിനചര്യ
സ്ഥിരമായ ചർമ്മ സംരക്ഷണ ദിനചര്യ എല്ലായ്പ്പോഴും ദീർഘകാലാടിസ്ഥാനത്തിൽ മുഖക്കുരുവിന് മാത്രമല്ല, സുഷിരങ്ങൾ, പാടുകൾ, മുഖക്കുരു അടയാളങ്ങൾ, മൊത്തത്തിലുള്ള ചർമ്മത്തിന്റെ ആരോഗ്യത്തിനും സഹായിക്കുന്നു.
ജലാംശം നിലനിർത്തുക
ദിവസവും ധാരാളം വെള്ളം കുടിക്കുക. വെള്ളം ചർമ്മത്തെ ഉള്ളിൽ നിന്ന് ഈർപ്പമുള്ളതാക്കുകയും മൊത്തത്തിലുള്ള നിറം മെച്ചപ്പെടുത്താൻ സഹായിക്കുകയും ചെയ്യുന്നു.
