scorecardresearch

Latest News
വിദ്വേഷ പ്രസംഗക്കേസിൽ പി സി ജോര്‍ജിന് ഉപാധികളോടെ ജാമ്യം

ചർമ്മത്തിലെ ചൊറിച്ചിൽ സിംപിളായി പരിഹരിക്കാം

വരണ്ട, ചൊറിച്ചിൽ ചർമ്മം? എളുപ്പത്തിൽ ലഭ്യമായ ചില ചേരുവകൾ ഉപയോഗിച്ച് വീട്ടിൽ തന്നെ മോയ്‌സ്ചുറൈസർ ഉണ്ടാക്കാം

skin, beauty tips, ie malayalam

കാലാവസ്ഥയിലെ മാറ്റങ്ങൾ കാരണം, നമ്മിൽ പലർക്കും ചർമ്മത്തിൽ ചൊറിച്ചിലും വരണ്ടതും അനുഭവപ്പെടാറുണ്ട്. ആ സമയങ്ങളിൽ നിങ്ങൾ എന്താണ് ചെയ്യുക?. ഇതിന് പരിഹാരം തേടി വിലയേറിയ സൗന്ദര്യവർധക വസ്തുക്കൾക്ക് നിങ്ങൾ പണം ചെലവഴിക്കേണ്ടതില്ല. എളുപ്പത്തിൽ ലഭ്യമായ ചില ചേരുവകൾ ഉപയോഗിച്ച് നിങ്ങൾക്ക് വീട്ടിൽ തന്നെ ഡിഐവൈ മോയ്‌സ്ചുറൈസർ ഉണ്ടാക്കാം. ഇത്തരത്തിൽ ചർമ്മ സംരക്ഷണത്തിന് നിങ്ങളെ സഹായിക്കുന്നൊരു ഡിഐവൈ സ്കിൻ‌കെയർ പ്രതിവിധി ഡയറ്റീഷ്യൻ ലാവ്‌ലീൻ കൗർ ഇൻസ്റ്റഗ്രാമിൽ പങ്കു വച്ചു.

Read More: മഴക്കാലത്ത് ചർമ്മം ആരോഗ്യമുളളതും തിളക്കമുളളതുമാക്കാൻ ചില സിംപിൾ ടിപ്സ്

”വരണ്ട, ചൊറിച്ചിൽ ചർമ്മം? ഇതാണ് ഞാൻ ഉപയോഗിക്കുന്നത്. വിലകുറഞ്ഞതും ഫലപ്രദവുമായ 3 സാധനങ്ങൾ ഉപയോഗിച്ച് വീട്ടിൽ തയ്യാറാക്കിയ മോയ്‌സ്ചുറൈസർ പരീക്ഷിക്കുക,” കൗർ ഇൻസ്റ്റഗ്രാമിൽ കുറിച്ചു. മൃദുവായതും മിനുസമാർന്നതുമായ ചർമ്മത്തിന് മൂന്ന് വസ്തുക്കൾ മാത്രമേ ആവശ്യമുള്ളൂവെന്ന് ഡയറ്റീഷ്യൻ പറയുന്നു.

ആവശ്യമായ സാധനങ്ങൾ

  • 50ml- റോസ്‌വാട്ടർ
  • 1 ടീസ്പൂൺ- ഗ്ലിസറിൻ
  • 1 എണ്ണം- വിറ്റാമിൻ ഇ ഗുളിക

ഇവ മൂന്നും നന്നായി മിക്സ് ചെയ്യുക. നന്നായി കുലുക്കുക. അതിനുശേഷം മുഖത്ത് പുരട്ടുക. എളുപ്പത്തിൽ തയ്യാറാക്കാവുന്ന ഈ മോയ്‌സ്ചുറൈസറിന് അത്ഭുതങ്ങൾ സൃഷ്ടിക്കാനാവുമെന്ന് കൗർ പറഞ്ഞു.

Stay updated with the latest news headlines and all the latest Lifestyle news download Indian Express Malayalam App.

Web Title: Try this three ingredient diy remedy for dry itchy skin508152