ലോകത്തെ ഏറ്റവും സമാധാനമുള്ള രാജ്യം ഏതെന്നറിയാമോ?

Global Peace Index 2025: 2025-ലെ ആഗോള സമാധാന സൂചിക (Global Peace Index) പ്രകാരം ലോകത്തിലെ ഏറ്റവും സമാധാനപൂർണ്ണമായ രാജ്യമായി 2025ൽ തിരഞ്ഞെടുക്കപ്പെട്ടത് ഐസ്‌ലൻഡ് ആണ്. ഇൻസ്റ്റിറ്റ്യൂട്ട് ഫോർ ഇക്കണോമിക്സ് ആൻഡ് പീസ് (IEP) തയ്യാറാക്കിയ ഈ വാർഷിക റാങ്കിംഗിൽ 163 രാജ്യങ്ങളിൽ ഇന്ത്യ 115-ാം സ്ഥാനത്താണ്. 

ലോകജനസംഖ്യയുടെ 99.7 ശതമാനത്തെയും ഉൾക്കൊള്ളുന്ന 163 സ്വതന്ത്ര രാജ്യങ്ങളെയും പ്രദേശങ്ങളെയുമാണ് ഈ പട്ടികയിൽ ഉൾപ്പെടുത്തിയിരിക്കുന്നത്. 'ദി ഇൻഡിപെൻഡന്റ്' റിപ്പോർട്ട് പ്രകാരം, 2008 മുതൽ തുടർച്ചയായി ഐസ്‌ലൻഡ് ഒന്നാം സ്ഥാനം നിലനിർത്തുന്നു എന്നത് ശ്രദ്ധേയമാണ്. കുറഞ്ഞ കുറ്റകൃത്യ നിരക്ക്, ശക്തമായ സാമൂഹിക വിശ്വാസം, സ്വന്തമായി സൈന്യം ഇല്ലാത്ത അവസ്ഥ എന്നിവയാണ് ഐസ്‌ലൻഡിനെ ഈ നേട്ടത്തിന് അർഹമാക്കിയത്.

Also Read: പോക്കറ്റ് ചോരാതെ സന്ദർശിക്കാവുന്ന 9 യൂറോപ്യൻ രാജ്യങ്ങൾ

പട്ടികയിൽ 115-ാം സ്ഥാനത്താണ് ഇന്ത്യയെങ്കിലും കഴിഞ്ഞ വർഷത്തെ അപേക്ഷിച്ച് സമാധാന നിലവാരത്തിൽ 0.58% പുരോഗതി കൈവരിക്കാൻ ഇന്ത്യക്ക് സാധിച്ചു. ഇന്ത്യയുടെ നിലവിലെ GPI സ്കോർ 2.229 ആണ്. 

ഏറ്റവും സമാധാനമുള്ള 10 രാജ്യങ്ങൾ

യൂറോപ്യൻ രാജ്യങ്ങളാണ് പട്ടികയിൽ ഭൂരിഭാഗവും കൈക്കലാക്കിയിരിക്കുന്നത്. ആദ്യ പത്ത് സ്ഥാനങ്ങൾ ഇവയാണ്:

• ഐസ്‌ലൻഡ്
• അയർലൻഡ്
• ന്യൂസിലാൻഡ്
• ഫിൻലൻഡ്
• ഓസ്ട്രിയ
• സ്വിറ്റ്സർലൻഡ്
• സിംഗപ്പൂർ
• പോർച്ചുഗൽ
• ഡെന്മാർക്ക്
• സ്ലോവേനിയ

മൂന്ന് പ്രധാന കാര്യങ്ങൾ അടിസ്ഥാനമാക്കിയാണ് ഈ റാങ്കിംഗ് നിശ്ചയിക്കുന്നത്. സമൂഹത്തിലെ സുരക്ഷിതത്വവും സുരക്ഷയും, ആഭ്യന്തരമോ അന്തർദ്ദേശീയമോ ആയ തർക്കങ്ങൾ, സൈനികവൽക്കരണം എന്നിവയാണ് ആ മാനദണ്ഡങ്ങൾ. 

Also Read: സ്വിറ്റ്‌സർലാൻഡ് വരെ പോകേണ്ട, പ്രകൃതി ഒരുക്കുന്ന മനോഹരമായ ക്യാൻവാസ് കാണാം കേരളത്തിലെ ഈ 5 ഇടങ്ങളിൽ

സമാധാനപരമായ രാജ്യങ്ങൾ ഉണ്ടെങ്കിലും, ആഗോളതലത്തിൽ സമാധാന അന്തരീക്ഷം കുറഞ്ഞുവരികയാണെന്ന് റിപ്പോർട്ട് സൂചിപ്പിക്കുന്നു. വർദ്ധിച്ചുവരുന്ന ആഭ്യന്തര സംഘർഷങ്ങൾ, സൈനികവൽക്കരണം, ഭൗമരാഷ്ട്രീയ ഭിന്നതകൾ എന്നിവയാണ് ഇതിന് കാരണം.

Also Read: മഞ്ഞുകാലത്ത് ഇന്ത്യയിൽ സന്ദർശിക്കാൻ കഴിയാത്ത 4 വിനോദസഞ്ചാര കേന്ദ്രങ്ങൾ

പട്ടികയിൽ പിന്നിലുള്ള രാജ്യങ്ങൾ

റഷ്യ, ഉക്രെയ്ൻ, സുഡാൻ, ഡെമോക്രാറ്റിക് റിപ്പബ്ലിക് ഓഫ് കോംഗോ, യെമൻ എന്നിവയാണ് പട്ടികയിൽ ഏറ്റവും പിന്നിലുള്ളത്. ആഭ്യന്തര കലാപങ്ങൾ കാരണം ബംഗ്ലാദേശ്, പാകിസ്ഥാൻ തുടങ്ങിയ രാജ്യങ്ങളിലും സമാധാന നിലയിൽ വലിയ ഇടിവ് രേഖപ്പെടുത്തിയിട്ടുണ്ട്.

Also Read: പോക്കറ്റ് കാലിയാകില്ല, കുറഞ്ഞ ചിലവിൽ പോയിവരാം കേരളത്തിലെ ഈ 5 ഹിഡൻ സ്പോട്ടുകളിൽ