കക്ഷത്തിലെ കറുപ്പാണോ പ്രശ്നം? പ്രതിവിധി അടുക്കളയിലുണ്ട്

ഇഷ്ടമുള്ള വസ്ത്രങ്ങൾ ധരിക്കാൻ കക്ഷത്തിലെ കറുപ്പ് നിറം വില്ലാനകാറുണ്ടോ?. അനവധിപ്പേർ അഭിമുഖീകരിക്കുന്ന പ്രശ്നമാണിത്. വസ്ത്ര ധാരാണം മുതൽ ഹോർമോണൽ വ്യതിയാനം വരെ ഇതിനു പിന്നിലെ കാരണങ്ങളാകാം. കക്ഷത്തിലെ ചർമ്മം വളരെ സെൻസിറ്റീവാണ്. അതിനാൽ വളരെ ശ്രദ്ധയോടെ വേണം ഈ പ്രശ്നം അഭിമുഖീകരിക്കാൻ. കെമിക്കൽ അടങ്ങിയ വസ്തുക്കൾ ഉപയോഗിക്കുന്നത് ചിലപ്പോൾ പ്രതികൂല ഫലങ്ങൾ നൽകിയേക്കാം. വീട്ടിൽ ലഭ്യമായ ചെറുനാരങ്ങ,  ഉരുളക്കിഴങ്ങ്, മഞ്ഞൾ തുടങ്ങിയ നിരവധി വസ്തുക്കൾ കക്ഷത്തിലെ സ്വാഭാവിക നിറം വീണ്ടെടുക്കാൻ സഹായിച്ചേക്കും. അവ ഉപയോഗിച്ചു നോക്കൂ. 

കടലമാവ്

കടലമാവിനൊപ്പം കുറച്ച് അരിപ്പൊടിയും മഞ്ഞൾപ്പൊടിയും ചേർത്തിളക്കി യോജിപ്പിക്കാം. അതിലേക്ക് അൽപ്പം തേനും പാലും ചേർത്തിളക്കാം. ഈ മിശ്രിതം കറുപ്പ് നിറമുള്ള ഭാഗങ്ങളിൽ പുരട്ടുക. 10 മിനിറ്റിനു ശേഷം കഴുകി കളയാം. ആഴ്ചയിൽ ഒരിക്കൽ ഇങ്ങനെ ചെയ്യാം. കടലമാവിൻ്റെ എക്സഫോളിയേറ്റിംഗ് ഗുണങ്ങൾ മൃത ചർമ്മത്തെ നീക്കം ചെയ്ത്  സ്വാഭാവിക നിറം നിലനിർത്തുന്നതിന് സഹായിക്കും. 

വെളിച്ചെണ്ണ

ഒരു സ്പൂൺ വെളിച്ചെണ്ണയിലേക്ക് ഒരു നാരങ്ങയും പകുതി പിഴിഞ്ഞ് നീര് ചേർത്തിളക്കി യോജിപ്പക്കാം. ഈ മിശ്രിതം കറുപ്പ് നിറമുള്ള ഭാഗങ്ങളിൽ പുരട്ടാം 10 മിനിറ്റിനു ശേഷം കോട്ടൺ തുണിയോ അല്ലെങ്കിൽ പഞ്ഞിയോ ഉപയോഗിച്ച് തുടച്ചു മാറ്റാം. 

സവാള

ഒരു സവാള അരിഞ്ഞ് അരച്ച് നീര് പ്രത്യേകം എടുക്കാം. ഇതിലേക്ക് ബേക്കിംഗ് സോഡയും തൈരും നാരങ്ങയുടെ നീരും ചേർത്തിളക്കി യോജിപ്പിക്കാം. ഈ മിശ്രിതം കക്ഷത്തിൽ കറുപ്പ് നിറമുള്ള ഭാഗങ്ങളിൽ പുരട്ടാം. അഞ്ച് മിനിറ്റിനു ശേഷം നാരങ്ങ ഉപയോഗിച്ച് കക്ഷത്തിൽ വൃത്താകൃതിയിൽ മസാജ് ചെയ്യാം. തണുത്ത വെള്ളത്തിൽ കഴുകി കളയുക. ആഴ്ചയിൽ രണ്ടു തവണ ഇതു ചെയ്യുന്നത് ഗുണകരമാണ്. 

ചെറുനാരങ്ങ

കുളിക്കുന്നതിനു മുമ്പായി ഒരു ചെറുനാരങ്ങയുടെ പകുതി നീരെടുത്ത് കക്ഷത്തിൽ പുരട്ടി മസാജ് ചെയ്യുക. ശേഷം കഴുകി കളയുക. ദിവസവും ഇങ്ങനെ ചെയ്യുന്നത് കക്ഷത്തിലെ ഇരുണ്ട നിറവും ഒപ്പം ദുർഗന്ധവും അകറ്റാൻ സഹായിച്ചേക്കും. 

ആപ്പിൾ സിഡാർ വിനാഗിരി

രണ്ട് സ്പൂൺ ആപ്പിൾ സിഡാർ വിനാഗിരിയിലേക്ക് അൽപ്പം ബേക്കിങ് സോഡ ചേർത്തിളക്കി യോജിപ്പിക്കുക. ഇത് കക്ഷത്തിൽ പുരട്ടുക. അഞ്ച് മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തണുപ്പ് കാലത്ത് ചുണ്ടുകൾക്ക് കരുതലാകാം
• കരുത്തുറ്റ തലമുടി വളരാൻ കഴിക്കേണ്ട ഭക്ഷണങ്ങൾ ഇവയാണ്
• വായ്നാറ്റം അകറ്റാം, ഇതാ ചില നുറുങ്ങു വിദ്യകൾ
• ചർമ്മത്തിലെ കറുത്ത പാടുകൾ അകറ്റാൻ മാർഗങ്ങൾ അനവധി
• ചർമ്മം തിളങ്ങാൻ ഇനി കാപ്പിപ്പൊടിയും