മുഖക്കുരുവിനോട് വിട പറയാം, മുട്ടയും തേനും ഇങ്ങനെ ഉപയോഗിച്ചു നോക്കൂ

അമിതമായി എണ്ണ മയമുള്ള ചർമ്മമാണോ?. എങ്കിൽ മുഖക്കുരുവും, ബ്രേക്കൗട്ടുകളും അപരിചിതമായിരിക്കില്ല. ഇതു മൂലം ചർമ്മത്തിലുണ്ടാകുന്ന ചുവപ്പ്, ചൊറിച്ചിൽ എന്നിവയൊക്കെ വേദനാജനകവും അസ്വസ്ഥത സൃഷ്ട്ടിക്കുന്നതുമാണ്. കെമിക്കൽ ട്രീറ്റ്മെൻ്റുകൾ പോലെ എന്തെങ്കിലും ചർമ്മാരോഗ്യത്തിനായി ചെയ്യുന്നവരിലും ഇത്തരം ചുവപ്പും, തടിപ്പും, ബ്രേക്കൗട്ടുകളും കാണാറുണ്ട്. ഇവ പരിഹരിക്കാൻ വീണ്ടും രാസവസ്തുക്കൾ അടങ്ങിയ ഉത്പന്നങ്ങൾ ഉപയോഗിക്കുന്നതിനു പകരം വീട്ടിൽ തന്നെ ലഭ്യമായ ചില വസ്തുക്കൾ ഉപയോഗിച്ചു നോക്കൂ.

തേൻ

മുഖക്കുരു ഉള്ള ഭാഗങ്ങളിൽ ചെറിയ അളവിൽ തേൻ പുരട്ടാം. പത്ത് മുതൽ പതിനഞ്ച് മിനിറ്റിനു ശേഷം കഴുകി കളയാം. അത് പതിവായി ചെയ്യുന്നത് മുഖക്കുരു അകറ്റാൻ സഹായിക്കും.

പേരയില

ഒരു പാത്രത്തിൽ അൽപ്പം വെള്ളമെടുത്ത് പേരയില ചേർക്കുക. ശേഷം അടുപ്പിൽ വച്ച് വെള്ളം തിളപ്പിക്കാം.ആ വെള്ളം തണുപ്പിച്ച് മുഖം കഴുകാൻ ഉപയോഗിക്കാവുന്നതാണ്. ഇത് മുഖക്കുരു പ്രതിരോധിക്കാൻ ഗുണകരമാണ്.

ഓട്സ് 

അൽപ്പം ഓട്സിലേക്ക് ഒരു മുട്ടയുടെ വെള്ള ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടുക. ആഴ്ചയിൽ രണ്ട് തവണ ഇത് പരീക്ഷിക്കുക.

ഇഞ്ചിയും തേനും

ഇഞ്ചി ചതച്ച് നീര് മാത്രം എടുത്ത് അൽപ്പം തേൻ കൂടി ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി അൽപ്പ സമയത്തിനു ശേഷം കഴുകി കളയാം. മുഖക്കുരുവിനെ തടയാൻ ഗുണകരമാണ് ഈ ഫെയ്സ് പാക്ക്. ഇതിനൊപ്പം അൽപ്പം പഞ്ചസാര കൂടി ചേർത്ത് മൃദുവായി മുഖത്ത് മസാജ് ചെയ്യുന്നത് ചർമ്മത്തിലെ പാടുകൾ കുറച്ചേക്കും.

മഞ്ഞൾപ്പൊടി

ഒരു ടീസ്പൂൺ മഞ്ഞൾപ്പൊടി വെള്ളത്തിൽ കലർത്തിയെടുക്കാം. ഈ മിശ്രിതം മുഖക്കുരുവിൽ പുരട്ടി 10 മിനിറ്റ് വിശ്രമിക്കുക. ശേഷം കഴുകി കളയാം.

കറുവാപ്പട്ട

ഒരു ടീസ്പൂൺ കറുവാപ്പട്ട പൊടിച്ചതിലേക്ക് രണ്ട് ടീസ്പൂൺ​ തേൻ ചേർത്തിളക്കി യോജിപ്പിക്കുക. ഇത് മുഖക്കുരുവിൽ പുരട്ടി പതിനഞ്ച് മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം.

മുൾട്ടാണി മിട്ടിയും തക്കാളി നീരും

രണ്ട് സ്പൂൺ തക്കാളി നീരിലേക്ക് രണ്ട് ടീസ്പൂൺ മുൾട്ടാണി മിട്ടി ചേർക്കാം. അതിലേക്ക് ഒരു സ്പൂൺ ചന്ദനപ്പൊടി, ഒരു സ്പൂൺ മഞ്ഞൾപ്പൊടി എന്നിവ ചേർത്ത് ഇളക്കി യോജിപ്പിക്കാം. ഈ മിശ്രിതം മുഖത്ത് പുരട്ടുക. പത്ത് മിനിറ്റിനു ശേഷം ചെറുചൂടുള്ള വെള്ളത്തിൽ മുഖം കഴുകാം. മുഖത്തെ കറുത്ത പാടുകൾ അകറ്റാൻ ഈ പാക്ക് ഉപയോഗിച്ചു നോക്കൂ. 

വെള്ളരി

ഒരു വെള്ളരിക്ക് തൊലി കളഞ്ഞ് ചെറിയ കഷ്ണങ്ങളാക്കി അരച്ചെടുക്കാം. അതിൻ്റെ നീര് അരിച്ചെടുക്കുക. ഒരു പഞ്ഞി അതിൽ മുക്കി മുഖക്കുരുവിൽ വയ്ക്കാം. പതിനഞ്ച് മിനിറ്റിനു ശേഷം കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുടിയും ചർമ്മവും തിളങ്ങാൻ ഒരു രഹസ്യക്കൂട്ട്
• യുവത്വം തുളുമ്പുന്ന ചർമ്മം നേടാൻ ഈ നട്സുകൾ കഴിക്കൂ
• ചർമ്മ സംരക്ഷണത്തിന് പഞ്ചസാരയും, ഇവ ട്രൈ ചെയ്തോളൂ
• മുടി കൊഴിച്ചിൽ തടയാം ഉലുവ ഉണ്ടെങ്കിൽ