മിനിറ്റുകൾക്കുള്ളിൽ തിളങ്ങുന്ന ചർമ്മം, ഈ രഹസ്യക്കൂട്ട് അത്ഭുതപ്പെടുത്തും

നമ്മുടെ ചർമ്മത്തിന്റെ സ്വാഭാവിക നിറവും തിളക്കവും നഷ്ടപ്പെടുന്നതിന്റെ പ്രധാന കാരണങ്ങളിലൊന്നാണ് സൂര്യപ്രകാശം മൂലമുണ്ടാകുന്ന ടാൻ. വേനൽക്കാലത്തോ കഠിനമായ വെയിലത്തോ പുറത്തിറങ്ങുമ്പോൾ ചർമ്മം കരുവാളിക്കുന്നത് പലരെയും അലട്ടുന്ന ഒരു പ്രശ്നമാണ്. വിപണിയിൽ ലഭ്യമാകുന്ന രാസവസ്തുക്കൾ അടങ്ങിയ ക്രീമുകളെക്കാൾ പാർശ്വഫലങ്ങളില്ലാത്ത പ്രകൃതിദത്ത മാർഗ്ഗങ്ങൾ തേടുന്നതാണ് ചർമ്മത്തിന് എപ്പോഴും നല്ലത്. ഇത്തരത്തിൽ വീട്ടിൽ തന്നെ വളരെ എളുപ്പത്തിൽ തയ്യാറാക്കാവുന്ന ഒന്നാണ് ബീറ്റ്‌റൂട്ടും മുൾട്ടാനി മിട്ടിയും ചേർത്തുള്ള ഫേസ് പാക്ക്.

Also Read: പത്തുമടങ്ങ് ഹൈഡ്രേഷൻ, മുഖക്കുരുവിനും പരിഹാരം; കൃതി സനോണിന്റെ തിളക്കമുള്ള ചർമ്മത്തിനു പിന്നിൽ 'എക്സോസോംസ്'

ബീറ്റ്‌റൂട്ടിന്റെയും മുൾട്ടാനി മിട്ടിയുടെയും കൂട്ട് ചർമ്മത്തിലെ ടാൻ അകറ്റാൻ സഹായിക്കുന്ന ഏറ്റവും മികച്ച പ്രകൃതിദത്ത മാർഗങ്ങളിൽ ഒന്നാണ്. സൂര്യപ്രകാശം അധികമേൽക്കുന്നത് മൂലമുണ്ടാകുന്ന ചർമ്മത്തിലെ കറുപ്പ് നിറം മാറാനും ചർമ്മത്തിന് സ്വാഭാവികമായ തിളക്കം നൽകാനും ഈ ഫേസ് പാക്ക് വളരെയധികം ഫലപ്രദമാണ്. ബീറ്റ്‌റൂട്ടിലെ ആന്റിഓക്‌സിഡന്റുകൾ ചർമ്മത്തെ പുനരുജ്ജീവിപ്പിക്കുമ്പോൾ, മുൾട്ടാനി മിട്ടി ചർമ്മത്തിലെ അധിക എണ്ണമയവും അഴുക്കും നീക്കം ചെയ്യാൻ സഹായിക്കുന്നു.

ഈ ഫേസ് പാക്കിന്റെ പ്രധാന ഗുണങ്ങൾ ഇവയാണ്:

• വെയിൽ മൂലമുണ്ടാകുന്ന ചർമ്മത്തിലെ നിറവ്യത്യാസം വേഗത്തിൽ കുറയ്ക്കാൻ ഇത് സഹായിക്കുന്നു.
• ചർമ്മ സുഷിരങ്ങളിലെ വിഷാംശങ്ങളും അഴുക്കും നീക്കം ചെയ്ത് ചർമ്മത്തെ ആഴത്തിൽ വൃത്തിയാക്കുന്നു.
• ചർമ്മത്തിന് ഒരുപോലെ തിളക്കവും മൃദുത്വവും നൽകാൻ ബീറ്റ്‌റൂട്ടിലെ വിറ്റാമിനുകൾ സഹായിക്കുന്നു.

Also Read: പ്രായം തോൽക്കും നദിയാ മൊയ്തുവിന്റെ സൗന്ദര്യത്തിന് പിന്നിലെ രഹസ്യമിതാണ്

ചേരുവകൾ

• ബീറ്റ്‌റൂട്ട് ജ്യൂസ്- 1 ടേബിൾ സ്പൂൺ (ഫ്രഷ് ബീറ്റ്‌റൂട്ട് അടിച്ചു പിഴിഞ്ഞെടുത്തത്)
• മുൾട്ടാനി മിട്ടി- 1 ടേബിൾ സ്പൂൺ (ഫുള്ളേഴ്സ് എർത്ത്)

Also Read: മുഖത്തെ ചുളിവുകൾ മാറി ചെറുപ്പം നിലനിർത്തണോ? ഖുശ്ബുവിന്റെ രഹസ്യക്കൂട്ടിതാ

തയ്യാറാക്കുന്ന വിധം 

• ഒരു ചെറിയ പാത്രത്തിൽ മുൾട്ടാനി മിട്ടിയും ബീറ്റ്‌റൂട്ട് ജ്യൂസും എടുക്കാം. ഇവ രണ്ടും ചേർത്ത് കട്ടകളില്ലാതെ നല്ല മയമുള്ള പേസ്റ്റ് രൂപത്തിലാക്കുക. ആവശ്യമെങ്കിൽ അല്പം റോസ് വാട്ടർ കൂടി ചേർക്കാവുന്നതാണ്.
• മുഖം നന്നായി കഴുകി വൃത്തിയാക്കിയ ശേഷം ഈ പാക്ക് ടാൻ ഉള്ള ഭാഗങ്ങളിലും മുഖത്തും കഴുത്തിലും പുരട്ടുക. കണ്ണുകൾക്ക് ചുറ്റുമുള്ള ഭാഗം ഒഴിവാക്കാൻ ശ്രദ്ധിക്കുകയ
• ഏകദേശം 15 മിനിറ്റ് നേരം ഇത് ചർമ്മത്തിൽ നിലനിർത്തുക. പാക്ക് പൂർണ്ണമായും ഉണങ്ങുന്നതിന് മുൻപായി സാധാരണ വെള്ളത്തിൽ കഴുകി കളയാവുന്നതാണ്.
• മുഖം തുടച്ച ശേഷം ഒരു നേർത്ത മോയ്സ്ചുറൈസർ പുരട്ടുന്നത് ചർമ്മം വരളാതിരിക്കാൻ സഹായിക്കും.
• ആഴ്ചയിൽ രണ്ട് തവണ ഈ പായ്ക്ക് ഉപയോഗിക്കുന്നത് ചർമ്മത്തിലെ വ്യത്യാസം തിരിച്ചറിയാൻ നിങ്ങളെ സഹായിക്കും. ചർമ്മം കൂടുതൽ തെളിമയുള്ളതും ആരോഗ്യകരവുമായി മാറുന്നത് നിങ്ങൾക്ക് കാണാം.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ചർമ്മാവസ്ഥയെക്കുറിച്ച് ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക

Read More: ഷാംപൂവിനും കണ്ടീഷ്ണറിനും മുൻപേ ശ്രുതി ഹാസൻ ചെയ്യുന്നത് ഇതാണ്; മുടിയഴകിന് പിന്നിലെ രഹസ്യം വെളിപ്പെടുത്തി താരം