ഈ രണ്ട് വിത്തുകൾ മതി; താരനും മുടി കൊഴിച്ചിലിനും ഇനി വിട പറയാം

നമ്മുടെ അടുക്കളയിലെ സുഗന്ധവ്യഞ്ജനങ്ങളിൽ പ്രധാനികളാണ് കടുകും ഉലുവയും. ഇവ കേവലം ഭക്ഷണത്തിന് രുചി കൂട്ടാൻ മാത്രമല്ല, മുടിയുടെ ആരോഗ്യത്തിനും വളർച്ചയ്ക്കും ഉത്തമമാണെന്ന് പലർക്കും അറിയില്ല. മുടി കൊഴിച്ചിൽ തടയാനും അകാലനര അകറ്റാനും ഈ പ്രകൃതിദത്ത കൂട്ട് എങ്ങനെ സഹായിക്കുമെന്ന് നോക്കാം.

കടുക് 

കടുകിൽ ഒമേഗ-3 ഫാറ്റി ആസിഡുകൾ, വിറ്റാമിൻ എ, ഇ എന്നിവ ധാരാളമായി അടങ്ങിയിട്ടുണ്ട്. ഇത് തലയോട്ടിയിലെ രക്തയോട്ടം വർദ്ധിപ്പിക്കുകയും മുടിവേരുകളെ ബലപ്പെടുത്തുകയും ചെയ്യുന്നു. കടുകിലെ ആന്റി-ബാക്ടീരിയൽ ഗുണങ്ങൾ താരനെ പ്രതിരോധിക്കാൻ സഹായിക്കും.

Also Read: തലമുടിയഴകിന് ചെമ്പരത്തി, ഈ ഒറ്റമൂലി ഉപയോഗിക്കൂ

ഉലുവ

പ്രോട്ടീനുകളുടെയും നിക്കോട്ടിനിക് ആസിഡിന്റെയും വലിയ ഉറവിടമാണ് ഉലുവ. ഇത് മുടിക്ക് തിളക്കം നൽകുകയും മുടി കൊഴിച്ചിൽ കുറയ്ക്കുകയും ചെയ്യുന്നു. മുടിയുടെ കരുത്ത് കൂട്ടാൻ ഇതിലെ ലെസിതിൻ (Lecithin) എന്ന ഘടകം സഹായിക്കും.

Also Read: ഒറ്റ ഉപയോഗത്തിൽ തലമുടി തിളക്കമുള്ളതാകും, മുറ്റത്തു നിൽക്കുന്ന ഈ പൂവ് മതി

ചേരുവകൾ

• കടുക് - 1 ടീസ്പൂൺ
• ഉലുവ - 2 ടേബിൾ സ്പൂൺ
• വെള്ളം - ആവശ്യത്തിന്
• തൈര് അല്ലെങ്കിൽ വെളിച്ചെണ്ണ 

ഉപയോഗിക്കേണ്ട വിധം

• ഉലുവയും കടുകും തലേദിവസം രാത്രി തന്നെ വെള്ളത്തിൽ കുതിർത്ത് വയ്ക്കുക.
  അടുത്ത ദിവസം രാവിലെ ഇത് അല്പം വെള്ളം ചേർത്ത് നന്നായി അരച്ചെടുക്കുക.
• ഈ മിശ്രിതത്തിലേക്ക് അല്പം തൈരോ വെളിച്ചെണ്ണയോ ചേർക്കുന്നത് നല്ലതാണ്. ഇത് മുടിക്ക് കൂടുതൽ ഈർപ്പവും മൃദുത്വവും നൽകും.
• തയ്യാറാക്കിയ മാസ്ക് തലയോട്ടിയിലും മുടിയിലും തേച്ചുപിടിപ്പിക്കുക.
• 20 മുതൽ 30 മിനിറ്റ് വരെ വച്ചതിനുശേഷം വീര്യം കുറഞ്ഞ ഷാംപൂവോ താളിയോ ഉപയോഗിച്ച് കഴുകിക്കളയാം.

Also Read: ഇനി എന്നും തലമുടി തിളക്കമുള്ളതായിരിക്കും, ഈ കണ്ടീഷ്ണർ ഉപയോഗിക്കൂ

ഇക്കാര്യങ്ങൾ ശ്രദ്ധിക്കാം

കടുക് നേരിട്ട് ചർമ്മത്തിൽ പുരട്ടുമ്പോൾ ചിലർക്ക് നേരിയ പുകച്ചിൽ അനുഭവപ്പെട്ടേക്കാം. അതിനാൽ ആദ്യമായി ഉപയോഗിക്കുന്നവർ പാച്ച് ടെസ്റ്റ്  ചെയ്യുന്നത് ഉചിതമായിരിക്കും.
ആഴ്ചയിൽ ഒന്നോ രണ്ടോ തവണ ഈ മാസ്ക് ഉപയോഗിക്കുന്നത് മുടിയുടെ വളർച്ചയ്ക്ക് ഗുണകരമാണ്.

പ്രകൃതിദത്തമായ ഈ മാർഗ്ഗങ്ങൾ മുടിക്ക് യാതൊരു ദോഷവും വരുത്താതെ മികച്ച ഫലം നൽകുന്നു. എങ്കിലും മുടി കൊഴിച്ചിൽ അമിതമാണെങ്കിൽ ഒരു വിദഗ്ധ ഡോക്ടറുടെ നിർദ്ദേശം തേടുന്നത് എപ്പോഴും നല്ലതാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക

Read More: ഒരു തവണ തയ്യാറാക്കിയാൽ ഈ എണ്ണ മാസങ്ങളോളം ഉപയോഗിക്കാം, ഇനി മുടിയിഴകൾക്ക് കരുത്തു നേടാൻ മറ്റൊരു വഴി വേണ്ട