അകാല നര തുടക്കത്തിൽ തന്നെ തടയാം, കടുകെണ്ണയിലേയ്ക്ക് ഇവ രണ്ടും ചേർത്തുപയോഗിക്കൂ

20കളിൽ തന്നെ സ്ത്രീകളും പുരുഷൻമാരും നരയെ പേടിച്ചു തുടങ്ങിയിരിക്കുന്നു. സൗന്ദര്യ സംരക്ഷണത്തിൽ ഇത് ഏറെ വെല്ലുവിളി സൃഷ്ടിച്ചുകൊണ്ടിരിക്കുകയാണ്. ശരിയായ മുടി പരിചരണം ലഭ്യമാകാത്തതും, കെമിക്കൽ അടങ്ങിയ ഉത്പന്നങ്ങളുടെ ഉപയോഗവുമാണ് ഇതിന് പ്രധാന കാരണങ്ങൾ. മെലാനിൻ്റെ അളവാണ് തലമുടിയുടെ നിറത്തിനു പിന്നിൽ. അതിനുണ്ടാകുന്ന ഏറ്റക്കുറച്ചിലുകളും മുടിയുടെ നിറത്തിൽ വ്യത്യാസം ഉണ്ടാക്കും. 

ജീവിതശൈലി, ഭക്ഷണക്രമം, ഹോർമോണൽ വ്യതിയാനം തുടങ്ങി ഒട്ടേറെ കാര്യങ്ങൾ ഇതിനു പിന്നിലുണ്ട്. നരച്ച മുടിക്ക് വീണ്ടും സ്ഥിരമായി കറുപ്പ് നിറം നൽകുക എന്നത് പ്രയാസകരമാണ്. എന്നാൽ അകാലമായി മുടി നരയ്ക്കുന്നത് തടയാൻ സാധിക്കും. അതിന് കടുകെണ്ണ നിങ്ങളെ സഹായിക്കും. 

കടുകെണ്ണയെ തലമുടി പരിചരണത്തിനായി പരുവപ്പെടുത്തുന്നതിന് മറ്റ് രണ്ട് ചേരുവകളും ആവശ്യമാണ്. അവ ഉപയോഗിച്ച് ഒരു നാച്യുറൽ ഹെയർ ഓയിൽ തയ്യാറാക്കാം.

ചേരുവകൾ

• കടുകെണ്ണ-  1 കപ്പ്
• നെല്ലിക്കപ്പൊടി- 1 ടേബിൾസ്പൂൺ
• കരിഞ്ചീരകം- 1 ടേബിൾസ്പൂൺ

തയ്യാറാക്കുന്ന വിധം

ഒരു ഇരുമ്പ് ചീനച്ചട്ടിയിലേയ്ക്ക് ഒരു കപ്പ് കടുകെണ്ണ ഒഴിച്ചു തിളപ്പിക്കാം. ഇതേ സമയം കരിഞ്ചീരകം, നെല്ലിക്ക എന്നിവ പൊടിച്ചെടുക്കാം. തിളച്ച എണ്ണയിലേയ്ക്ക് ഈ രണ്ട് പൊടികളും ചേർക്കാം. കുറഞ്ഞ തീയിൽ മിശ്രിതം നന്നായി ഇളക്കാം. കുറച്ചു സമയം കൊണ്ട് എണ്ണ കറുത്തു വരുമ്പോൾ അടുപ്പണച്ച് തണുക്കാൻ മാറ്റി വയ്ക്കാം. തണുത്തതിനു ശേഷം എണ്ണ അരിച്ചെടുത്ത ഈർപ്പമില്ലാത്ത വായു കടക്കാത്ത കുപ്പിയിലേയ്ക്കു മാറ്റി സൂക്ഷിക്കും. 

ഉപയോഗിക്കേണ്ട വിധം

തലമുടി പലഭാഗങ്ങളായി തിരിച്ച മുടിയുടെ വേരുകളിലും ഇഴകളിലും എണ്ണ പുരട്ടി അഞ്ച് മിനിറ്റ് നന്നായി മസാജ് ചെയ്യാം. ശേഷൺ 10 മിനിറ്റ് വിശ്രമിക്കാം. തുടർന്ന് വീര്യം കുറഞ്ഞ ഷാമ്പൂ ഉപയോഗിച്ച് തലമുടി കഴുകാം. ആഴ്ചയിൽ രണ്ട് തവണയെങ്കിലും ഈ എണ്ണ ഉപയോഗിക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കട്ടൻ ചായ മുടി കൊഴിച്ചിൽ തടയുമോ? ഇങ്ങനെ ഉപയോഗിച്ചു നോക്കൂ
• ഒരു കഷ്ണം ബീറ്റ്റൂട്ട് മതി, പാർലറിൽ പോകാതെ തന്നെ തലമുടി ഡൈ ചെയ്യാം
• ചർമ്മം വരണ്ടതോ എണ്ണ മയമുള്ളതോ ആകട്ടെ, പപ്പായ ഫേഷ്യൽ ട്രൈ ചെയ്യൂ
• വരണ്ട മുടി മുതൽ താരൻ വരെ അകറ്റാൻ മുൾട്ടാണി മിട്ടി കൊണ്ട് പല വിദ്യകളുമുണ്ട്