പോക്കറ്റ് കാലിയാക്കുന്ന വിറ്റാമിൻ സെറം വാങ്ങേണ്ട, അത് വീട്ടിൽ തയ്യാറാക്കാം സിംപിളായി

കൊളാജൻ ഉത്പാദനത്തിന് സഹായിക്കുന്ന ശക്തമായ ആൻ്റി ഓക്സിഡൻ്റുകളുടെ ഉറവിടമാണ് വിറ്റാമിൻ സി. ഇത് പിഗ്മൻ്റേഷൻ തടയാൻ സഹായിക്കുംം. കൂടാതെ ഫ്രീ റാഡിക്കലുകളിൽ നിന്നും മുക്തി നൽകുന്നു. വ്യത്യസ്ത ലേബലുകളിൽ വിറ്റാമിൻ സി സിറം കടകളിൽ ലഭ്യമാണ്. കമ്പനി അനുസരിച്ച് അതിൻ്റെ വിലയും വ്യത്യാസപ്പെട്ടുകൊണ്ടിരിക്കും. എന്നാൽ സ്ഥിരമായി ഇത്തരം ഉത്പന്നങ്ങൾ കടയിൽ നിന്നും വാങ്ങി പോക്കറ്റ് കാലിയാക്കേണ്ട, അവ വീട്ടിൽ തന്നെ തയ്യാറാക്കാം.

ചേരുവകൾ

• വെള്ളം: ശുദ്ധമായ വെള്ളമാണ് ഗുണമേന്മയുള്ള വിറ്റാമിൻ സിയ്ക്ക് അത്യാവശ്യം.
  
• ഗ്ലിസറിൻ:  ഇത് ഒരു ഹ്യൂമിക്റ്റൻ്റായി പ്രവർത്തിച്ച് ചർമ്മത്തെ മോയ്സ്ച്യുറൈസ് ചെയ്യുന്നു.
  
• കറ്റാർവാഴ ജെൽ: ചർമ്മത്തിന് അസ്വസ്ഥതകൾ ഉണ്ടാകാതെ പോഷിപ്പിക്കുന്നതിന് കറ്റാർവാഴ ഗുണം ചെയ്യും. 
  
• വിറ്റാമിൻ ഇ എണ്ണ: ഇതൊരു ആൻ്റി ഓക്സിഡൻ്റായി പ്രവർത്തിക്കും. 

തയ്യാറാക്കുന്ന വിധം

• ഒരു ടീസ്പൂൺ വിറ്റാമിൻ സി പൗഡറിലേയ്ക്ക് ഒരു ടേബിൾസ്പൂൺ വെള്ളം ചേർത്തിളക്കി യോജിപ്പിക്കാം.
• ചെറുചൂടുള്ള വെള്ളം ചേർത്താൽ അലിയിക്കാൻ എളുപ്പമാണ്.
• ഇതിലേയ്ക്ക് ഒരു ടേബിൾസ്പൂം ഗ്ലിസറിൻ ചേർക്കാം.
• ഒപ്പം ഒരു ടേബിൾസ്പൂൺ കറ്റാർവാഴ ജെൽ കൂടി ചേർത്തിളക്കി യോജിപ്പിക്കാം.
• ലഭ്യമെങ്കിൽ മൂന്നോ നാലോ തുള്ളി വിറ്റാമിൻ ഇ എണ്ണയും ചേർക്കാം.
• നന്നായി ഇളക്കി യോജിപ്പിച്ച മിശ്രിതം വൃത്തിയുള്ള ഒരു ഗ്ലാസ് ബോട്ടിലിലേയ്ക്കു മാറ്റാം.
• ഇത് ഫ്രിഡ്ജിൽ സൂക്ഷിക്കാം.
• 3 ആഴ്ച തൊട്ട് ഉപയോഗിച്ചു തുടങ്ങാം.

ഉപയോഗിക്കേണ്ട വിധം

മുഖം വൃത്തിയായി കഴുകിയ ശേഷം ഏതാനും തുള്ളി സെറം മുഖത്ത് പുരട്ടാം. ശേഷം നന്നായി മസാജ് ചെയ്യാം. വിറ്റാമിൻ സി സെറം രാവിലെ ഉപയോഗിക്കുന്നതാണ് ഉചിതം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഉറങ്ങുന്നതിനു മുമ്പായി ഈ ക്രീം പുരട്ടൂ, മുഖം തിളക്കമുള്ളതാക്കാം
• കീശ കാലിയാക്കുന്ന ഹെയർ ജെല്ലുകൾക്ക് വിട, അവ വീട്ടിൽ തയ്യാറാക്കാം
• കഞ്ഞിവെള്ളം കളയരുതേ... വിണ്ടു കീറിയ പാദങ്ങൾക്ക് അഴകേകാൻ അതു മതി
• പാദങ്ങൾ സുന്ദരമാക്കാൻ പെഡിക്യൂർ വീട്ടിൽ ചെയ്യാം