തേയിലപ്പൊടിയും വാഴപ്പഴത്തിൻ്റെ തൊലിയും മതി, റോസ കരുത്തോടെ വളരും കുലകളായി പൂക്കൂം

പൂന്തോട്ടത്തിന് അഴകേകാനും വീടും പരിസരവും സുഗന്ധം നിറയ്ക്കാനും മുല്ലയും റോസയും നടാറുണ്ടോ? ചെടി നട്ട് എത്ര നാളായിട്ടും പൂക്കൾ ഉണ്ടാകുന്നില്ലേ? എങ്കിൽ ഇതിലൊന്ന് ചെയ്തു നോക്കൂ

കഞ്ഞിവെള്ളത്തിലേയ്ക്ക് ചായ തയ്യാറാക്കി ബാക്കി വന്ന തേയിലപ്പൊടി ചേർത്ത് ഇടയ്ക്ക് റോസ് ചെടിക്ക് ഒഴിച്ചു കൊടുക്കുന്നത് ഗുണകരമാണ്.

മുട്ടത്തോട് പൊടിച്ചെടുക്കാം. റോസ ചെടിയുടെ ചുവട്ടിലെ മണ്ണ് ചെറുതായി ഇളക്കി പൊടിച്ച മുട്ടത്തോട് ചേർക്കാം.

പഞ്ചസാര ചേർക്കാതെ ചായ തിളപ്പിക്കാം. ശേഷം അത് അരിച്ചു മാറ്റി വെയിലത്തു വച്ച് ഉണക്കിയെടുക്കാം. 15 ദിവസത്തിലൊരിക്കൽ ഇത് മണ്ണിൽ കലർത്തി ചെടിയുടെ ചുവട്ടിലിട്ടു കൊടുക്കാംയ. തേയിലയിൽ അടങ്ങിയിരിക്കുന്ന ടാനിക് ആസിഡ് മുല്ലയുടെയും റോസയുടെയും ചുവട്ടിലെ മണ്ണിലെ പിഎച്ച് നില ക്രമീകരിക്കാൻ സഹായിക്കും.

പഴുക്കാത്ത വാഴപ്പഴത്തിൻ്റെ തൊലി ചെറിയ കഷ്ണങ്ങളാക്കിയെടുക്കാം. ഒരു പാനിൽ വെള്ളമെടുത്ത് അതിലേയ്ക്ക് പഴത്തൊലി ചേർത്ത് നന്നായി തിളപ്പിക്കാം ശേഷം അടുപ്പണച്ച് തണുക്കാൻ മാറ്റി വയ്ക്കാം. തണുത്തതിനു ശേഷം വാഴപ്പഴവും വെള്ളം 1:2 എന്ന് അനുപാതത്തിൽ കലർത്തി ചെടിയുടെ ചുവട്ടിൽ ഒഴിക്കാം.