പച്ചമുളക് കുലകുത്തി കായ്ക്കും, ആഴ്ചയിൽ ഒരിക്കലെങ്കിലും ഇത് ഒഴിച്ചു കൊടുക്കൂ

കറികളിൽ ചേർക്കാൻ ഏറ്റവും അധികം ആവശ്യമുള്ളതാണ് പച്ചമുളക്. എന്നാൽ വിപണിയിൽ ഇതിന് വില അധികം നൽകേണ്ടി വന്നേക്കും. കുറച്ചു പരിശ്രമിച്ചാൽ മുളക് ചെടികൾ ആരോഗ്യത്തോടെ വീട്ടിൽ വളർത്താം. വിത്ത് പാകിയും തൈകൾ നട്ടും മുളക് കൃഷി ചെയ്തു തുടങ്ങാം. മുറ്റത്തും ടെറസിലും, ബാൽക്കെണിയിലും ഇത് വളരെ എളുപ്പാം വളർത്തിയെടുക്കാവുന്നതാണ്.

അടുക്കള ഏറ്റവും അധികം ആവശ്യമുള്ളതും എന്നാൽ വിപണിയിൽ വില ഏറെയുള്ളതുമായ പച്ചക്കറിയാണ് പച്ചമുളക്.

കീടനാശിനികൾ ഏറ്റ് കടയിൽ ഇരിക്കുന്ന ഇത്തരം പച്ചക്കറികൾ വാങ്ങുന്നതിനു പകരം അവ വീട്ടിൽ തന്നെ കൃഷി ചെയ്യാം. പച്ചമുളക് നന്നായി കായിക്കാൻ ഉപയോഗിക്കാവുന്ന ജൈവ വളങ്ങൾ ഉണ്ട്. അവ വീട്ടിൽ തന്നെ തയ്യാറാക്കാം.

അടുക്കളയിൽ ബാക്കിയാകുന്ന ഭക്ഷ്യാവശിഷ്ടങ്ങൾ വളമായി പ്രയോഗിക്കാം. ഒപ്പം കുറച്ച് കുമ്മായം ഉണ്ടെങ്കിൽ ഒരു പൊടിക്കൈ കൂടി ട്രൈ ചെയ്യാം.

ഒരു ഗ്ലാസ് വെള്ളത്തിൽ ഒരു നുള്ളി കുമ്മായം ചേർത്തിളക്കി യോജിപ്പിക്കാം. ഇത് മുളകു ചെടിയുടെ ചുറ്റും ഒഴിക്കാം. കുറച്ചു സമയത്തിനു ശേഷം വെള്ളം നനച്ചു കൊടുക്കാം. ഇടയ്ക്ക് മണ്ണ് ഇളക്കി കൊടുക്കാം.