കറിവേപ്പ് ഭ്രാന്ത് പിടിച്ചതു പോലെ വളരാൻ ഈ ഒരു മിശ്രിതം മതി

വീടുകളിലും ഫ്ളാറ്റുകളിലുമൊക്കെ കറിവേപ്പ് ചെടികൾ ചട്ടിയിലാണെങ്കിലും നട്ടു പിടിപ്പിക്കുന്ന ഒരു ശീലം മലയാളികൾക്കുണ്ട്. കാരണം മലയാളിയുടെ ഭക്ഷണശീലങ്ങളിൽ അത്രയേറെ പ്രധാനപ്പെട്ട ഒന്നാണ് കറിവേപ്പില.

കറിവേപ്പ് ചെടികൾ മുരടിച്ചതു പോലെ, വളർച്ചയില്ലാതെ നിന്നു പോവാറുണ്ട്. എന്താണ് ഇതിനൊരു പ്രതിവിധി എന്നു തിരക്കാത്തവരും കുറവായിരിക്കും.

കറിവേപ്പ് തഴച്ചു വളരാൻ വീട്ടിൽ തന്നെ തയ്യാറാക്കാവുന്ന ഒരു വളം പരിചയപ്പെടാം.

ചേരുവകൾ

മുട്ടത്തോട്, കഞ്ഞിവെള്ളം, തേയിലപ്പൊടി

തയ്യാറാക്കുന്ന വിധം

പുളിപ്പിച്ചെടുത്ത കഞ്ഞിവെള്ളത്തിലേയ്ക്ക് ബാക്കി വന്ന തേയിലപ്പൊടിയും, മുട്ടത്തോട് പൊടിച്ചതും ചേർത്തിളക്കി യോജിപ്പിക്കാം. ഈ മിശ്രിതം ആഴ്ചയി ഒരിക്കലെങ്കിലും കറിവേപ്പിൻ്റെ ചുവട്ടിൽ ഒഴിച്ചു കൊടുക്കാം.