ചുളിവുകളും പാടുകളുമില്ലാത്ത ചർമ്മം സ്വന്തമാക്കാൻ കിടക്കുന്നതിനു മുമ്പ് ഇത് ദിവസവും പുരട്ടൂ

ചർമ്മ പരിചരണത്തിന് കാലങ്ങളായി ഉപയോഗത്തിലുള്ള നെയ്യാണ് ഈ രഹസ്യക്കൂട്ട്,. ഇത് വാർധക്യത്തിൻ്റെ ലക്ഷണങ്ങളെ ചെറുക്കുകയും യുവത്വവും തുളുമ്പുന്ന ചർമ്മം നൽകുകയും ചെയ്യുന്നു.

നെയ്യ് ചർമ്മത്തിൽ ജലാംശം വർധിപ്പിക്കുകയും പിഗ്മെന്റേഷൻ തടയുകയും ചെയ്യുന്നു.

ഉപയോഗിക്കേണ്ട വിധം

കുറച്ച് നെയ്യ് കയ്യിൽ എടുത്ത് മുഖത്തും ശരീര ഭാഗങ്ങളിലും പുരട്ടാം. മൃദുവായി മസാജ് ചെയ്യാം. രാത്രി ഉറങ്ങുന്നതിനു മുമ്പ് ഇത് പുരട്ടുന്നതാണ് അനുയോജ്യം. ശേഷം തണുത്ത വെള്ളത്തിലോ ഫെയ്സ് വാഷ് ഉപയോഗിച്ചോ കഴുകി കളയാം.

ലിപ് ബാം

രാത്രിയിൽ കുറച്ച് നെയ്യ് ചുണ്ടുകളിൽ പുരട്ടി പതിയെ മസാജ് ചെയ്യുക. രാവിലെ കഴുകി കളയാം.

ഫെയ്സ് മാസ്ക്

രണ്ട് ടേബിൾസ്പൂൺ ചെറുപയർ പൊടിയും 2 ടേബിൾസ്പൂൺ മഞ്ഞളും നെയ്യിൽ ചേർത്തു ഫെയ്സ് മാസ്ക് തയ്യാറാക്കാം. ഈ മാസ്ക് മുഖത്ത് പുരട്ടാം. 15-20 മിനിറ്റിനുശേഷം ചെറുചൂടുള്ള വെള്ളത്തിൽ കഴുകാം.