ത്രെഡ് ചെയ്യേണ്ട, അഴകുള്ള പുരികം നേടാൻ ഒരു നുറുങ്ങു വിദ്യയുണ്ട്

ചേരുവകൾ

കാപ്പിപ്പൊടി, വെളിച്ചെണ്ണ, കറ്റാർവാഴ ജെൽ, വിറ്റാമിൻ ഇ ക്യാപ്സൂൾ

കാൽ ടീസ്പൂൺ കാപ്പിപ്പൊടിയിലേയ്ക്ക് അൽപം വെളിച്ചെണ്ണ ചേർത്തിളക്കി യോജിപ്പിക്കാം. ഇത് പുരികത്തിൽ പുരട്ടി അഞ്ച് മിനിറ്റ് മൃദുവായി മസാജ് ചെയ്യാം. ശേഷം കോട്ടൺ തുണി ഉപയോഗിച്ച് തുടച്ചു മാറ്റാം.

രണ്ട് ടീസ്പൂൺ കറ്റാർവാഴ ജെല്ലിലേയ്ക്ക് രണ്ട് വിറ്റാമിൻ ഇ ക്യാപ്സൂൾ ചേർത്തിളക്കി യോജിപ്പിക്കാം. ഉറങ്ങാൻ കിടക്കുന്നതിനു മുമ്പായി ഈ ക്രീം പുരികത്തിൽ പുരട്ടാം.

കാപ്പിപ്പൊടിയും വെളിച്ചെണ്ണയും ഉപയോഗിച്ചുള്ള സ്ക്രബ് മൃതകോശങ്ങളെ നീക്കം ചെയ്യും. ഒപ്പം ഹെയർ ഫോളിക്കിളുകളിലേയ്ക്കുള്ള രക്തചംക്രമണം മെച്ചപ്പെടുത്ത കരുത്തുറ്റ പുരികം വളരാൻ സഹായിക്കും.

കറ്റാർവാഴയും, വിറ്റാമിൻ ഇയും പുരികം കൊഴിഞ്ഞു പോകുന്നത് തടയും. കൂടുതൽ കരുത്തുറ്റ പുരികം വളരാനും സഹായിക്കും.