ബ്ലീച്ച് ചെയ്തിട്ടും പോകുന്നില്ലേ? വീടിനുള്ളിലെ പൂപ്പൽ ബാധ കുറയ്ക്കാൻ ഇവയിലൊന്ന് ട്രൈ ചെയ്യൂ

വിനാഗിരി

വിനാഗിരി വെളുത്ത വിനാഗിരി പ്രകൃതിദത്തവും ഫലപ്രദവുമായ മാർഗമാണ്. പൂപ്പൽ പിടിച്ച പ്രതലത്തിൽ നേർപ്പിക്കാത്ത വിനാഗിരി തളിക്കാം. ഏതാനും മണിക്കൂറുകൾക്കു ശേഷം സ്ക്രബ് ചെയ്തു വൃത്തിയാക്കാം.

ബേക്കിംഗ് സോഡ

ബേക്കിംഗ് സോഡയും വെള്ളവും ചേർത്ത് ഒരു പേസ്റ്റ് തയ്യാറാക്കാം. പൂപ്പൽ ബാധിച്ച ഭാഗത്ത് അത് പുരട്ടാം. മൃദുവായി സ്ക്രബ് ചെയ്ത് വെള്ളമൊഴിച്ച് കഴുകാം. ബേക്കിംഗ് സോഡ ഈർപ്പം ആഗിരണം ചെയ്യാനും പൂപ്പൽ ഇല്ലാതാക്കാനും സഹായിക്കുന്നു.

ഹൈഡ്രജൻ പെറോക്സൈഡ്

പൂപ്പൽ പിടിച്ച പ്രതലത്തിൽ നേരിട്ട് ഹൈഡ്രജൻ പെറോക്സൈഡ് തളിക്കുകയോ പുരട്ടുകയോ ചെയ്യാം. 10 മുതൽ15 മിനിറ്റ് നേരം കാത്തിരിക്കാം. തുടർന്ന് സ്‌ക്രബ് ചെയ്ത് തുടയ്ക്കാം.

ടീ ട്രീ ഓയിൽ

ഒരു സ്പ്രേ കുപ്പിയിൽ കുറച്ച് തുള്ളി ടീ ട്രീ ഓയിലെടുക്കാം. അതിലേയ്ക്ക് വെള്ളം ഒഴിച്ച് നേർപ്പിക്കാം. പൂപ്പൽ പിടിച്ച ഭാഗത്ത് ഇത് പുരട്ടാം.

ചർമ്മത്തിൽ അസ്വസ്ഥത, ചൊറിച്ചിൽ, ചുവപ്പ്, വീക്കം തുടങ്ങി നിരവധി പ്രശ്നങ്ങൾ പൂപ്പലുമായു​ള്ള സ്ഥിരം സമ്പർക്കത്തിൽ നിന്നും ഉണ്ടായേക്കും.

ഇത്തരം ചർമ്മ പ്രശ്നങ്ങൾ കണ്ടുതുടങ്ങിയാൽ ഒരു ഡെർമറ്റോളജിസ്റ്റിൻ്റെ നിർദ്ദേശം തേടാൻ മറക്കരുത്.