വാക്സ് വാങ്ങേണ്ട ഷേവ് ചെയ്യേണ്ട, ഒരു സ്പൂൺ കാപ്പിപ്പൊടി ഉണ്ടെങ്കിൽ മുഖത്തെ അനാവശ്യ രോമങ്ങൾ നീക്കം ചെയ്യാൻ എളുപ്പമാണ്

മുഖത്തെ രോമം പല പെൺകുട്ടികളുടെയും സൗന്ദര്യത്തിന് മങ്ങലേൽപ്പിക്കുന്നതാണ്. അത് കളയാൻ ചിലർ ചികിത്സകൾ തേടാറുണ്ട്. എന്നാൽ പ്രകൃതിദത്ത വഴികളിലൂടെയും മുഖത്തെ രോമങ്ങൾ നീക്കം ചെയ്യാൻ കഴിയും.

മുഖത്തെ രോമങ്ങൾ നീക്കം ചെയ്യുന്നതിന് കാപ്പി സഹായിക്കുമെന്ന് നിങ്ങൾക്കറിയാമോ?. ആന്റിഓക്‌സിഡന്റുകളും നേരിയ എക്സ്ഫോളിയേറ്റിങ് ഗുണങ്ങളും കൊണ്ട് നിറഞ്ഞ കാപ്പി പലവിധ സൗന്ദര്യവർധക വസ്തുക്കളിൽ ഉപയോഗിച്ചുവരുന്നുണ്ട്.

പതിവായി പ്രയോഗിക്കുന്നത് രോമകൂപങ്ങളെ ദുർബലപ്പെടുത്തുകയും മുടിയുടെ വളർച്ച കുറയ്ക്കുകയും ചെയ്യും.

ചേരുവകൾ

കാപ്പിപ്പൊടി - 1 ടേബിൾസ്പൂൺ, കടലമാവ് - 1 ടേബിൾസ്പൂൺ, മഞ്ഞൾപ്പൊടി - 1 ടേബിൾസ്പൂൺ, പാൽ അല്ലെങ്കിൽ തൈര് - 1-2 ടേബിൾസ്പൂൺ, തേൻ (ആവശ്യമെങ്കിൽ മാത്രം) - 1 ടീസ്പൂൺ

തയ്യാറാക്കുന്ന വിധം

ഒരു ബൗളിലേക്ക് കാപ്പിപ്പൊടി, കടലമാവ്, മഞ്ഞൾ എന്നിവ എടുക്കുക. ഇതിലേക്ക് പാലോ തൈരോ ചേർത്ത് പേസ്റ്റ് രൂപത്തിലാക്കുക. വരണ്ട ചർമ്മമുള്ളവർ കുറച്ച് തേൻ കൂടി ചേർക്കുക. അതിനുശേഷം മുഖത്ത് രോമമുള്ള ഭാഗങ്ങളിൽ തേച്ചു പിടിപ്പിക്കുക. 15-20 മിനിറ്റിനുശേഷം പായ്ക്ക് ഉണങ്ങി കഴിയുമ്പോൾ പതിയെ കൈകൾ ഉപയോഗിച്ച് തിരുമ്മുക. ഏതാനും മിനിറ്റ് അങ്ങനെ ചെയ്തശേഷം ചെറുചൂടുള്ള വെള്ളം ഉപയോഗിച്ച് കഴുകി കളയുക. അതിനുശേഷം മോയ്സ്ചറൈസറോ കറ്റാർവാഴ ജെല്ലോ പുരട്ടുക. ആഴ്ചയിൽ ഒരിക്കൽ ഈ ഫെയ്സ്മാസ്ക് പുരട്ടുക. 3-4 തവണകൾക്കുള്ളിൽതന്നെ നല്ല മാറ്റം കാണാനാകും.