രാത്രി ഉറങ്ങുന്നതിന് മുൻപ് ഇത് പുരട്ടൂ, വിണ്ടുകീറിയ പാദങ്ങൾ വിട

നമ്മുടെ അടുക്കളകളിൽ എപ്പോഴും ലഭ്യമായ ശുദ്ധമായ വെളിച്ചെണ്ണ, പാദങ്ങൾക്കുണ്ടാകുന്ന വരൾച്ച, വിണ്ടുകീറൽ, മറ്റ് അസ്വസ്ഥതകൾ എന്നിവയ്ക്ക് പരിഹാരം കാണാൻ സഹായിക്കുന്ന പ്രകൃതിദത്തമായ ഈർപ്പം നൽകുന്ന ഒരു ഔഷധമാണ്. വെളിച്ചെണ്ണയിൽ അടങ്ങിയിട്ടുള്ള ഫാറ്റി ആസിഡുകൾ ചർമ്മത്തിൻ്റെ ആഴങ്ങളിൽ ഇറങ്ങിച്ചെന്ന് പോഷണം നൽകുകയും, ചർമ്മത്തെ മൃദുലവും ആരോഗ്യകരവുമാക്കുകയും ചെയ്യുന്നു.

പ്രത്യേകിച്ചും, രാത്രി ഉറങ്ങുന്നതിന് മുമ്പ് വെളിച്ചെണ്ണ ചെറുതായി ചൂടാക്കി പാദങ്ങളിൽ മസ്സാജ് ചെയ്യുന്നത് രക്തയോട്ടം വർധിപ്പിക്കാനും, ക്ഷീണം കുറയ്ക്കാനും, സുഖകരമായ ഉറക്കം ലഭിക്കാനും സഹായിക്കുന്നു. കൂടാതെ, ഇതിന് ഫംഗസ് അണുബാധകളെ പ്രതിരോധിക്കാനുള്ള കഴിവുകളും വെളിച്ചെണ്ണയ്ക്കുണ്ട്.

വെളിച്ചെണ്ണ എന്ന മോയ്സ്ച്യുറൈസർ

പ്രകൃതി ദത്തമായ മോയ്സ്ച്യുറൈസറാണ് വെളിച്ചെണ്ണ. വരണ്ടതും വിണ്ടു കീറുന്നതുമായ ചർമ്മത്തിന് ഇത് ഏറെ ഫലപ്രദമാണ്. കാൽപാദം കഴുകി തുടച്ചതിനു ശേഷം അൽപ്പം വെളിച്ചെണ്ണ പുരട്ടാം. രാത്രി കിടക്കുന്നതിന് മുമ്പ് ഇത് ഉപയോഗിക്കുന്നതാണ് ഗുണകരം.

ഫൂട്ട് സ്ക്രബ്

വെളിച്ചെണ്ണയിലേയ്ക്ക് കുറച്ച് കാപ്പിപ്പൊടി ചേർത്തിളക്കി യോജിപ്പിക്കാം. ഇത് പാദങ്ങളിൽ പുരട്ടി 10 മിനിറ്റ് മൃദുവായി മസാജ് ചെയ്യാം.

മറ്റ് വഴികൾ- കറ്റാർവാഴ

കറ്റാർവാഴയ്ക്ക് സൂത്തിങ്ങ് സവിശേഷതകളുണ്ട്. കുറച്ചധികം കറ്റാർവാഴ ജെൽ ഉപ്പൂറ്റിയിൽ പുരട്ടുന്നത് വിണ്ടു കീറൽ, അമിതമായി വരൾച്ച എന്നിവ തടയാൻ സഹായിക്കും. കറ്റാർവാഴ ജെൽ പുരട്ടി ഒരു സോക്സ് ധരിച്ചു കിടക്കാം. രാവിലെ തണുത്തവെള്ളത്തിൽ കാൽ കഴുകുക.