വർഷം മുഴുവൻ പൂത്തുലയുന്ന റോസ്; ഈ പരിചരണ രീതി പരീക്ഷിക്കൂ

Tips For Planting And Growing Rose: കരുത്തുറ്റ റോസ് ചെടി വളർത്തുന്നതിന് തിരഞ്ഞെടുക്കുന്ന റോസയുടെ കമ്പിനും പ്രാധാന്യം ഉണ്ട്. ഒന്ന് മുതൽ രണ്ട് വർഷം വരെ പഴക്കമുള്ള ഒരു ചെടിയിൽ നിന്നും കമ്പ് മുറിച്ചെടുക്കുന്നതാണ് നല്ലത്. ഇളംതണ്ടുകൾ ഉപയോഗിക്കരുത്. ആരോഗ്യമുള്ള കമ്പുകളാണ് അനുയോജ്യം.

റോസയുടെ കമ്പ് നടുന്നതിനായി ചകിരിച്ചോറ്, മണ്ണ്, ചാണകപ്പൊടി എന്നിവ കലർത്തി ബെഡ് ഒരുക്കുന്നത് നല്ലതാണ്. അല്ലെങ്കിൽ ആറ്റുമണൽ, ചുവന്ന മണ്ണ്, ഉണങ്ങിയ ചാണകപ്പൊടി, ചകിരി മിശ്രിതം എന്നിവ ചേർക്കുന്നതും ഗുണകരമാണ്.

നട്ടു വച്ച കമ്പുകൾക്ക് അനക്കം തട്ടാതിരിക്കാൻ ശ്രദ്ധിക്കാം. ഇതിൽ വേരുകൾ വികസിക്കാൻ മൂന്ന് ആഴ്ച വരെ കാത്തിരിക്കാം. സൂര്യപ്രകാശം നന്നായി ലഭിക്കുന്ന ഇടത്തു വേണം ചെടി നടാൻ.

പൂത്ത് തുടങ്ങുമ്പോൾ ഇടയ്ക്ക് കമ്പുകൾ പ്രൂൺ ചെയ്തു നിർത്താൻ മറക്കരുത്. ഇത് കൂടുതൽ പൂവ് നൽകും.

ജൈവവളമായ ചാണകപ്പൊടി, കഞ്ഞിവെള്ളം, തേയില എന്നിവയൊക്കെ വളമായി ഉപയോഗിക്കാം. വേനൽക്കാലത്ത് രണ്ട് നേരമെങ്കിലും നനച്ചു കൊടുക്കണം.