ലോകത്തിലെ ഏറ്റവും ചെറിയ മ്യൂസിയം ഏതാണെന്നറിയാമോ? ഒരു ടെലിഫോൺ ബൂത്താണ് ഈ ലോകത്തിലെ ഏറ്റവും ചെറിയ മ്യൂസിയമെന്ന ഖ്യാതി സ്വന്തമാക്കിയിരിക്കുന്നത്.

ഒരു ചുവന്ന ടെലിഫോൺ ബൂത്താണ് നമ്മുടെ താരം. സ്ഥിതി ചെയ്യുന്നത് അങ്ങ് ഇംഗ്ളണ്ടിലാണ്. ഇംഗ്ളണ്ടിലെ വെസ്റ്റ് യോർക്ക്ഷൈറിൽ. ചരിത്രത്തോട് ചേർന്നു നിൽക്കുന്ന നിരവധി വസ്‌തുക്കളാണ് ഈ ടെലിഫോൺ മ്യൂസിയത്തിലുളളത്. ഗിന്നസ് ബുക്കിലെ ഏറ്റവും ചെറിയ മ്യൂസിയമെന്ന ബഹുമതിയും നേടിയിട്ടുണ്ട് ഈ ടെലിഫോൺ ബൂത്ത്. ദി മെയ്‌പോൾ ഇനിന് മുന്നിലാണ് ഈ ടെലിഫോൺ മ്യൂസിയം സ്ഥിതി ചെയ്യുന്നത്.

telephone booth, england
പഴയ ചിത്രങ്ങൾ, ജുവലറികൾ, ഗ്ളാസിൽ തീർത്ത കൊത്തു പണികളോട് കൂടിയ വസ്‌തുക്കളുമാണ് ഈ കുഞ്ഞു മ്യൂസിയത്തിലുളളത്. ചരിത്രത്തോട് ചേർന്ന് നിൽക്കുന്ന കരകൗശല വസ്‌തുക്കളും മറ്റും സൂക്ഷിക്കാനുളള ഒരു ഇടമാക്കി ഈ ചുവന്ന ടെലിഫോൺ ബൂത്തിനെ മാറ്റിയത് വാർലി കമ്മ്യൂണിറ്റി അസോസിയേഷനാണ്. എല്ലാ മൂന്ന് മാസം കൂടുമ്പോഴും ബൂത്തിൽ പ്രദർശിപ്പിക്കുന്ന വസ്‌തുക്കൾ മാറ്റുകയും ചെയ്യും.

telephone booth, warley museum

മൊബൈൽ ഫോണുകൾ വ്യാപകമാവുകയും ടെലിഫോൺ ബൂത്തുകൾ കാലഹരണപ്പെടുകയും ചെയ്‌തപ്പോഴാണ് ഈ ബൂത്തിനെ ഒരു മ്യൂസിയമാക്കുന്നത്. ഇംഗ്ളണ്ടിലുളളവരുടെ ഓർമകളുമായി അടുത്ത് നിൽക്കുന്നതാണ് ഈ ചുവന്ന ടെലിഫോൺ ബൂത്ത്. ഏറ്റവും ഇഷ്‌ടപ്പെട്ട ബ്രിട്ടീഷ് ഡിസൈനായി അവരിതിനെ തിരഞ്ഞെടുക്കുകയും ചെയ്‌തിരുന്നു.

Get all the Latest Malayalam News and Kerala News at Indian Express Malayalam. You can also catch all the Malayalam Lifestyle News by following us on Twitter and Facebook