ബ്ലാക്കിൽ ഹോട്ട് ലുക്കിൽ തമന്ന, ചിത്രങ്ങൾ

തെന്നിന്ത്യയിലെ അറിയപ്പെടുന്ന നടിമാരിലൊരാളാണ് തമന്ന ഭാട്ടിയ. തമിഴ് സിനിമാലോകത്ത് നിറഞ്ഞു നിന്ന തമന്ന തെലുങ്ക്, ഹിന്ദി ഭാഷാചിത്രങ്ങളിലും തന്റെ സാന്നിധ്യം അറിയിച്ചിട്ടുണ്ട്. മലയാളത്തിലും അരങ്ങേറ്റം കുറിക്കാനൊരുങ്ങുകയാണ് തമന്ന. ദിലീപ് കേന്ദ്ര കഥാപാത്രമായി എത്തുന്ന ‘ബാന്ദ്ര’യിലാണ് താരം എത്തുക.

പുതിയ ചിത്രമായ ലസ്റ്റ് സ്റ്റോറീസ് 2 വിന്റെ പ്രൊമോഷൻ തിരക്കുകളിലാണ് താരം. സൂപ്പര്‍ ഹിറ്റായി മാറിയ ബോളിവുഡ് ആന്തോളജി സിനിമ ‘ലസ്റ്റ് സ്റ്റോറീസി’ന് രണ്ടാം ഭാഗമാണിത്. ചിത്രത്തിൽ ഒരു പ്രധാന കഥാപാത്രത്തെ തമന്ന അവതരിപ്പിക്കുന്നുണ്ട്. ചിത്രത്തിന്റെ പ്രൊമോഷന്റെ ഭാഗമായുള്ള ഫൊട്ടോഷൂട്ട് ചിത്രങ്ങൾ താരം ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്.

നെൽസന്റെ സംവിധാനത്തിൽ ഒരുങ്ങുന്ന ‘ജയിലറി’ലും തമന്ന വേഷമിടുന്നുണ്ട്. രജനീകാന്തിന്റെ നായിയായിട്ടാണ് തമന്ന എത്തുക. രജനീകാന്തിന്റെ 169-ാമത് ചിത്രമാണ് ‘ജയിലർ.’ താരം തന്നെയായിരിക്കും ജയിലറുടെ വേഷത്തിലെത്തുക. മുത്തുവേൽ പാണ്ഡ്യൻ എന്നാണ് രജനീകാന്ത് അവതരിപ്പിക്കുന്ന കഥാപാത്രത്തിന്റെ പേര്. ചിത്രത്തിൽ മോഹൻലാലും അതിഥി വേഷത്തിലെത്തുന്നുണ്ട്.