പട്ടുടുത്ത് സുന്ദരിയായി മണിയൻ്റെ മാണിക്യം: ഫോട്ടോഷൂട്ട് ചിത്രങ്ങളുമായി സുരഭി ലക്ഷമി

തിയേറ്റർ ബോക്സ് ഓഫീസ് കളക്ഷനുകൾ വാരിക്കൂട്ടുന്ന 'അജയൻ്റെ രണ്ടാം മോഷണ'ത്തിലെ ഏറെ ശ്രദ്ധേയമായ മാണിക്യം എന്ന കഥാപാത്രത്തെയാണ് സുരഭി ലക്ഷ്മി അഭിനയിച്ചു തകർത്തത്.

ഇപ്പോഴിതാ ഇൻസ്റ്റഗ്രാം പേജിൽ സുരഭി പങ്കുവെച്ച ഫോട്ടോഷൂട്ട് ചിത്രങ്ങളാണ് ആരാധകർ ഏറ്റെടുത്തിരിക്കുന്നത്.

ചുവന്ന നിറത്തിലുള്ള പട്ട് സാരിയുടുത്ത്, എലഗൻ്റ് ലുക്കിലാണ് താരം ചിത്രങ്ങൾക്ക് പോസ് ചെയ്തിരിക്കുന്നത്.

രമ്യയുടെ പ്രകൃതി ബൊട്ടിക്കിൻ്റെ സാരി കളക്ഷനിൽ നിന്നുള്ളതാണ് ഈ സിൽക്ക് സാരി.

ഹാഫ് സ്ലീവോടു കൂടിയ ബ്ലൗസാണ് ലുക്കിൽ ഏറെ ശ്രദ്ധേയം. സ്ട്രാപ് സ്ലീവും ഹാഫ് സ്ലീവും ഇടകലർത്തി നൽകിയിരിക്കുന്നു.

ഗോൾഡൻ ജിമിക്കിയും, ചുവന്ന പൊട്ടും, മുല്ലപ്പൂ ചൂടിയ മുടിയും നാടൻ സുന്ദരിയുടെ പരിവേഷം സുരഭിക്ക് നൽകുന്നു.