നിറവയറിൽ ഗ്ലാമറസ്സായി സോനം; ഇത്രയും സ്റ്റൈലിഷായ മമ്മ ബോളിവുഡിൽ ഉണ്ടാകില്ല എന്ന് ആരാധകർ

സ്റ്റൈലിന്റെ കാര്യത്തിൽ വിട്ടുവീഴ്ചയില്ലാത്ത സോനം, തന്റെ ബേബി ബമ്പ് അതീവ ഗ്ലാമറസ്സായി പ്രദർശിപ്പിച്ചുകൊണ്ടാണ് ആരാധകരെ അമ്പരപ്പിച്ചിരിക്കുന്നത്.

'മമ്മാസ് ഡേ ഔട്ടേ' എന്ന കുറിപ്പിനൊപ്പമാണ് താരം ചിത്രങ്ങൾ പോസ്റ്റ് ചെയ്തിരിക്കുന്നത്.

ഗർഭകാലത്ത് അയഞ്ഞ വസ്ത്രങ്ങൾ ധരിക്കുന്ന രീതിയിൽ നിന്നും മാറി, ശരീരത്തോട് ചേർന്നുനിൽക്കുന്ന വസ്ത്രങ്ങളിലൂടെ തന്റെ ഗർഭകാലത്തെ ആത്മവിശ്വാസത്തോടെ ആഘോഷിക്കുകയാണ് താരം.

കറുത്ത നിറത്തിലുള്ള ക്രോപ്പ് ടോപ്പും പെൻസിൽ മാക്സി സ്കർട്ടുമാണ് താരം അണിഞ്ഞിരിക്കുന്നത്. ഒപ്പം ഒരു ബ്ലേസറും ചേർത്തതോടെ ലുക്ക് കൂടുതൽ പ്രൗഢമായി.

സഹോദരി റിയ കപൂർ ആണ് ഈ ലുക്കിന് പിന്നിലെ സ്റ്റൈലിസ്റ്റ്. ഡയമണ്ട് പെൻഡന്റും സ്റ്റൈലിഷ് ഹാൻഡ് ബാഗും സോനത്തിന്റെ ലുക്കിന് പൂർണ്ണത നൽകി.

ആദ്യ മകൻ വായുവിന് മൂന്ന് വയസ്സ് തികയാനിരിക്കെ എത്തുന്ന പുതിയ അതിഥിക്കായി സിനിമാ ലോകവും കാത്തിരിക്കുകയാണ്.