ഗർഭകാലത്തും ട്രെൻഡ് സെറ്ററായി സോനം

ഓരോ പൊതുവേദിയിലും തൻ്റേതായ സ്റ്റൈൽ സ്റ്റേറ്റ്മെൻ്റുകൾ തീർക്കാൻ സോനം ശ്രദ്ധിക്കാറുണ്ട്. അമ്മയാകാൻ തയ്യാറെടുക്കുമ്പോഴും സോനം തൻ്റെ പതിവ് സ്റ്റൈലൻ ലുക്കുകളിൽ ഒട്ടും പിന്നിലല്ല.

ഒരു ഹോട്ട്-പിങ്ക് ഡ്രസ്സിൽ ബേബി ബമ്പ് പ്രദർശിപ്പിച്ചുകൊണ്ടുള്ള ചിത്രങ്ങൾ പങ്കുവച്ചുകൊണ്ടാണ് സേനം അമ്മയാകുന്നു എന്ന സന്തോഷവാർത്ത് ആരാധകരെ അറിയിച്ചത്.

ഏറെ നാളത്തെ ഡേറ്റിംഗിന് ശേഷം 2018 മെയ് മാസത്തിലാണ് സോനം വ്യവസായിയായ ആനന്ദ് അഹൂജയെ വിവാഹം കഴിച്ചത്. 2022 ഓഗസ്റ്റിൽ ദമ്പതികൾക്ക് വായു എന്ന പേരിൽ ഒരു ആൺകുഞ്ഞ് പിറന്നു.

ഗർഭകാലത്ത് പലപ്പോഴും അയഞ്ഞതും ലളിതവുമായ വസ്ത്രങ്ങളാണ് താരങ്ങൾ തിരഞ്ഞെടുക്കാറുള്ളത്. എന്നാൽ, സോനം ഈ പൊതുധാരണകളെ തിരുത്തി എഴുതി. മനോഹരമായ ഫഫ്ലൂയിഡ് സിൽക്ക് ഫാബ്രിക്സ്, കഫ്താനുകൾ, ബോഡി-ഹഗ്ഗിംഗ് സിൽഹൗട്ടുകൾ എന്നിവയിലൂടെ സോനത്തിൻ്റെ ചിത്രങ്ങൾ സോഷ്യൽ മീഡിയയിൽ ചർച്ചയാകുന്നു.

ഗർഭകാലത്ത് സ്ത്രീകൾക്ക് അവരുടെ സൗന്ദര്യവും ആത്മവിശ്വാസവും നിലനിർത്താൻ സാധിക്കുമെന്ന സന്ദേശമാണ് സോനം കപൂർ നൽകുന്നത്.

അമ്മയാകാനുള്ള തയ്യാറെടുപ്പിനിടയിലും ഫാഷനിൽ വിട്ടുവീഴ്ച ചെയ്യാതെ, എല്ലാ സ്ത്രീകളെയും പ്രചോദിപ്പിക്കുന്ന ഒരു 'ബേബി ബംപ്' ഫാഷൻ ട്രെൻഡ് സൃഷ്ടിക്കാൻ സോനത്തിന് സാധിച്ചു.