മകനൊപ്പം നവരാത്രി ആശംസകളുമായി സോനം കപൂർ

ബോളിവുഡിന്റെ ഫാഷൻ ഐക്കൺ എന്നാണ് സോനം കപൂർ അറിയപ്പെടുന്നത്. തിരഞ്ഞെടുക്കുന്ന വസ്ത്രത്തിലും ലുക്കിലും വ്യത്യസ്തത കൊണ്ടു വരാൻ താരം മറക്കാറില്ല.

നവരാത്രി ആശംസകൾ അറിയിച്ചു കൊണ്ട് സോനം തൻ്റെ സോഷ്യൽ മീഡിയ പേജിൽ പങ്കുവെച്ചിരിക്കുന്ന ചിത്രങ്ങൾ ഏറെ രസകരമാണ്.

സോനത്തിൻ്റെ മകൻ വായുവിനെയും ചിത്രങ്ങളിൽ കാണാം. സാറ ഷാജഹാൻ്റെ മനോഹരമായ അനാർക്കലി കുർത്തിയാണ് സോനം ധരിച്ചിരിക്കുന്നത്.

മെറൂൺ ഓറഞ്ച് നിറങ്ങളിലുള്ള അനാർക്കലിയിൽ ധാരാളം ഫ്ലോറൽ വർക്കുകളും കൊടുത്തിട്ടുണ്ട്.

ഫുൾ സ്ലീവ് കൈയ്യും ഹൈനെക്കും ചേർന്ന ട്രെഡീഷ്ണൽ അനാർക്കലി സെറ്റിനൊപ്പം ചുവപ്പ് നിറത്തിലുള്ള നെക്പീസും സ്റ്റഡ് കമ്മലും അണിഞ്ഞിരിക്കുന്നു.

പിറകിലേക്ക് പിന്നിയിട്ട മുടിയും കൈയ്യിൽ താമരയുമായി നിൽക്കുന്ന സോനത്തിനെ ചിരിപ്പിക്കുവാൻ കുസൃതികൾ കാണിക്കുകയാണ് മകൻ വായു.

ഏവർക്കും നവരാത്രി ദസറ ആശംസകൾ നേർന്നു കൊണ്ടുള്ള കുറിപ്പും ചിത്രത്തിനൊപ്പം കാണാം.