മെറ്റേണിറ്റി ലുക്കിലും വിട്ടുവീഴ്ചയില്ല, പട്ടു സാരിയിൽ അതീവ സുന്ദരിയായി സോനം

ഗർഭകാലത്തും തൻ്റെ ഫാഷൻ സെൻസിൽ ഒട്ടും കുറവ് വരുത്താറില്ല സോനം എന്നതിൻ്റെ തെളിവാണ് ഏറ്റവും പുതിയ ഫോട്ടോഷൂട്ട് ചിത്രങ്ങൾ.

ചിത്രത്തിൽ കറുപ്പ് നിറത്തിലുള്ള ബനാറസി പട്ട് സാരിയിൽ അതീവ ഗ്ലാമറസാണ് സോനം. സാരിയുടെ ബോർഡറുകളിലും മറ്റ് ഭാഗങ്ങളിലും സ്വർണ്ണ നിറത്തിലുള്ള ഹാൻഡ് എംബ്രോയിഡറികൾ അതിമനോഹരമായി നൽകിയിരിക്കുന്നു. ഒരു രാജകീയ പ്രൗഢി നൽകുന്ന സോനത്തിൻ്റെ ഈ ലുക്ക് ഇപ്പോൾ സോഷ്യൽമീഡിയയിൽ ശ്രദ്ധേയമാണ്.

സാരിക്ക് ചേരുന്ന രീതിയിൽ ഹൈ-നെക്ക്, ലോംഗ് സ്ലീവ് ബ്ലൗസാണ് സോനം ധരിച്ചിരിക്കുന്നത്. ഗർഭകാല സൗന്ദര്യം ഒട്ടും മറച്ചുവെക്കാതെയാണ് സോനം സാരി അണിഞ്ഞിരിക്കുന്നത്.

മേക്കപ്പിലും സ്റ്റൈലിംഗിലും ട്രെഡീഷ്ണൽ സ്റ്റൈലാണ് സോനം തിരഞ്ഞെടുത്തിരിക്കുന്നത്.

ഗർഭകാലത്തും തൻ്റെ ഗ്ലാമറും ആത്മവിശ്വാസവും ഒട്ടും ചോർന്നുപോകാതെ ഫാഷൻ ലോകത്തിന് പുതിയൊരു മാതൃക നൽകിയിരിക്കുകയാണ് സോനം.