ഉന്മേഷം നൽകാൻ മാത്രമല്ല ചർമ്മം തിളങ്ങാനും ഓറഞ്ച് ജ്യൂസ്, ഫെയ്സ് മാസ്ക് തയ്യാറാക്കി നോക്കൂ

ചർമ്മത്തിലെ ചുളിവുകളും വരകളും കറുത്തപാടുകളും അകാല വാർധക്യത്തിൻ്റേതായ ലക്ഷണങ്ങളാണ്. അവ തുടക്കത്തിൽ തന്നെ പരിഹരിക്കണം. അതിന് വില കൂടിയ ക്രീമുകളോ കെമിക്കൽ ട്രീറ്റ്മെൻ്റുകളോ വേണ്ട്. വിറ്റാമിൻ സിയുടെ സമ്പന്നമായ ഉറവിടമായ ഓറഞ്ച് ഉപയോഗിക്കാം. തിളക്കമുള്ള സോഫ്റ്റ് ചർമ്മം സ്വന്തമാക്കാൻ അതുപയോഗിച്ച് തയ്യാറാക്കുന്ന ഫെയ്സ്മാസ്ക്കുകൾ സഹായിക്കും. 

ഓറഞ്ചിനൊപ്പം വാഴപ്പഴവും ചേർക്കാം. അകാല വാർധക്യത്തിൻ്റെ പ്രധാന ലക്ഷണങ്ങളിലൊന്നാണ് ചുളിവുകളും പാടുകളും. അവ അകറ്റാനും വാഴപ്പഴത്തിൽ അടങ്ങിയിരിക്കുന്ന പോഷകങ്ങൾ സഹായിക്കും. വിറ്റാമിൻ സിയുടെ സമ്പന്നമായ ഉറവിടമാണ് പഴം. ധാരാളം ആൻ്റി ഓക്സിൻ്റ് ആൻ്റി ബാക്ടീരിയൽ സവിശേഷതകളും അതിനുണ്ട്.

Also Read: പാൽപ്പാട മാറ്റി വച്ചോളൂ, പോക്കറ്റ് കാലിയാക്കുന്ന ലിപ് ക്രീമുകൾ ഇനി വേണ്ട

പഴം തേൻ

നന്നായി പഴുത്ത വാഴപ്പഴം പകുതി ഉടച്ചെടുക്കാം.​ അതിലേയ്ക്ക് ഒരു ടീസ്പൂൺ തേൻ ചേർത്തിളക്കി യോജിപ്പിക്കാം. ഒപ്പം ഒരു ടീസ്പൂൺ​ പാൽ കൂടി ചേർക്കാം. ഇത് മുഖത്ത് പുരട്ടി നന്നായി മസാജ് ചെയ്യാം. 20 മിനിറ്റിനു ശേഷം ഇളംചൂടുള്ള വെള്ളത്തിൽ കഴുകി കളയാം.

Also Read: വെളിച്ചെണ്ണയിൽ ഇതൊരു സ്പൂൺ ചേർത്തുപയോഗിക്കൂ, ഇൻസ്റ്റൻ്റ് ഗ്ലോ സ്വന്തമാക്കാം

വാഴപ്പഴം ഓറഞ്ച് ജ്യൂസ്

വാഴപ്പഴം ഉടച്ചതിലേയ്ക്ക് ഒരു ടീസ്പൂൺ ഓറഞ്ച് ജ്യൂസ് ചേർക്കാം. അൽപം തൈര് കൂടി ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

പഴം കടലമാവ്

നന്നായി പഴുത്ത ഒരു പഴത്തിൻ്റെ പകുതിയിലേയ്ക്ക് അര സ്പൂൺ കടലമാവും, രണ്ട് തുള്ളി നാരങ്ങ നീര്, ഏതാനും തുള്ളി വെള്ളം എന്നിവ ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടാം. 15 മിനിറ്റിനു ശേഷം കഴുകി കളയാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More:

• എത്ര നരച്ചമുടിയും കറുപ്പിക്കാം, ഈ ഇല ഉണക്കിസൂക്ഷിച്ചോളൂ
• ഔഷധ ഗുണങ്ങളുള്ള ഈ ഇല ഒരു പിടി ഉണ്ടെങ്കിൽ മുടി കറുപ്പിക്കാൻ പായ്ക്കറ്റ് ഡൈ വേണ്ട