മുരിങ്ങയില ഈ നാല് രീതിയിൽ ഉപയോഗിച്ചു നോക്കൂ, മുഖക്കുരുവും പാടുകളും പമ്പ കടക്കും

18 തരം അമിനോ ആസിഡുകൾ അടങ്ങിയ സൂപ്പർ ഫുഡാണ് മുരിങ്ങയില. പ്രോട്ടീൻ, കാത്സ്യം, ഇരുമ്പ്, വിറ്റാമിൻ ബി6, വിറ്റാമിൻ സി, വിറ്റാമിൻ എ, തുടങ്ങിയ പോഷകങ്ങളും മുരിങ്ങയിലയിൽ ധാരാളമുണ്ട്. ശരീരത്തിൻ്റെ മാത്രമല്ല മുടിയുടെയും ചർമ്മത്തിൻ്റെയും ആരോഗ്യത്തിന് ഇത് ഏറെ പിന്തുണ നൽകുന്നുണ്ട്.

മുരിങ്ങയിലയും മുൾട്ടാണി മിട്ടിയും

ഒരു ടേബിൾസ്പൂൺ മുരിങ്ങയില പൊടിച്ചതിലേക്ക് ഒരു ടേബിൾസ്പൂൺ മൾട്ടാണി മിട്ടിയും കുറച്ച് റോസ് വാട്ടറും ചേർത്തിളക്കി യോജിപ്പിക്കാം. ഇത് മുഖത്ത് പുരട്ടുക. പത്ത് മിനിറ്റിനു ശേഷം കഴുകി കളയാം.

അവക്കാഡോയും മുരിങ്ങയിലയും

ഒരു ടേബിൾസ്പൂൺ മുരിങ്ങയില പൊടിച്ചതിലേക്ക് ഒരു ടേബിൾസ്പൂൺ അവക്കാഡോ പൾപ്പ് ചേർത്തിളക്കി യോജിപ്പിച്ചോളൂ. ഈ മിശ്രിതം മുഖത്ത് പുരട്ടാം. അൽപ്പം സമയത്തിനു ശേഷം കഴുകി കളയാം.

മുരിങ്ങയിലയും ഓട്സും

ഒരു ടേബിൾസ്പൂൺ മുരിങ്ങയില പൊടിച്ചതിലേക്ക് രണ്ട് ടേബിൾസ്പൂൺ ഓട്സും ഒരു ടേബിൾസ്പൂൺ തേനും ചേർത്തിളക്കി യോജിപ്പിച്ചോളൂ. ഈ മിശ്രിതം മുഖത്ത് പുരട്ടി അൽപ്പ സമയം വിശ്രമിക്കാം. കരുവാളിപ്പ് അകറ്റാനും മുഖം തിളങ്ങാനും ഈ ഫെയ്സ്പാക്ക് ഗുണകരമായേക്കും.

തേനും മുരിങ്ങയിലയും

ഒരു ടേബിൾസ്പൂൺ മുരിങ്ങയില പൊടിച്ചെടുക്കുക. അതിലേക്ക് രണ്ട് ടേബിൾസ്പൂൺ തേൻ ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടാം. പത്ത് മിനിറ്റിനു ശേഷം കഴുകി കളയാം.