സൺടാൻ അകറ്റാൻ വെളിച്ചെണ്ണ സഹായിക്കുമോ?

ചർമ്മത്തെ വെയിലിൽ നിന്നും അൾട്രാ വയലറ്റ് രശ്മികളിൽ നിന്നും സംരക്ഷിക്കണോ? ധാരാളം ആൻ്റി ഓക്സിഡൻ്റ് സവിശേഷതകളുള്ള വെളിച്ചെണ്ണ വെയിൽ ഏൽക്കുന്നതു മൂലമുള്ള ചുവപ്പ് കുറയ്ക്കാൻ സഹായിക്കും. അതുമാത്രമല്ല വെളിച്ചെണ്ണ ഉപയോഗിക്കുന്നതിന് മറ്റ് പല ഗുണങ്ങളുമുണ്ട്.

ചർമ്മത്തെ മോയ്സ്ച്യുറൈസ് ചെയ്യും

വെളിച്ചെണ്ണ ഫാറ്റി ആസിഡുകളുടെ ഉറവിടമാണ്. അത് ചർമ്മത്തെ മോയ്സ്ച്യുറൈസ് ചെയ്യുന്നതിന് സഹായിക്കും.​ ഇതിലൂടെ ചർമ്മം അമിതമായ വരണ്ടു പോകുന്നതു തടയാം.

ചുവപ്പ് കുറയ്ക്കും

വെളിച്ചെണ്ണ ഒരു സൺസ്ക്രീനായി ഉപയോഗിക്കാം. ഇതിലൂടെ ചൊറിച്ചിൽ ചുവപ്പ് പാടുകൾ എന്നിങ്ങനെ വെയിൽ ഏൽക്കുന്നതു മൂലം ഉണ്ടാകുന്ന പ്രശ്നങ്ങളെ തടഞ്ഞു നിർത്താൻ സഹായിക്കും.

മുഖക്കുരു ഇല്ലാതാക്കാം

വെളിച്ചെണ്ണയ്ക്ക് ആൻ്റ് ഇൻഫ്ലമേറ്ററി സവിശേഷതകളുണ്ട്. ഇത് മുഖക്കുരു ഉണ്ടാക്കുന്ന ബാക്ടീരികളെ നശിപ്പിക്കും.

യു വി സംരക്ഷണം

ചർമ്മാരോഗ്യത്തിന് പ്രധാനമായ വിറ്റാമിൻ ഇ വെളിച്ചെണ്ണയിൽ അടങ്ങിയിട്ടുണ്ട്. ഇത് ചർമ്മ ഹൈഡ്രേറ്റ് ചെയ്യും. മാത്രമല്ല 20 ശതമാനം അൾട്രാവയലറ്റ് രശ്മികളെയും തടയാൻ ഇത് സഹായിക്കും.

ഇൻഫ്ലമേഷൻ കുറയ്ക്കും

ചുവപ്പ്, വീക്കം തുടങ്ങി അമിതമായി വെയിൽ ഏൽക്കുന്നതു മൂലമുള്ള പ്രശ്നങ്ങൾക്ക് വെളിച്ചെണ്ണയുടെ ആൻ്റി ഇൻഫ്ലമേറ്ററി ഗുണങ്ങൾ സഹായിക്കും.

വെളിച്ചെണ്ണ ഉപയോഗിക്കേണ്ട വിധം

എസ്പിഎഫ് 30 ഉള്ള സൺസ്ക്രീനിലേയ്ക്ക് കുറച്ച് കറ്റാർവാഴ ജെല്ലും വെളിച്ചെണ്ണയും ചേർത്തിളക്കി യോജിപ്പിക്കാം. ഇത് ചർമ്മത്തിൽ പുരട്ടി മൃദുവായി മസാജ് ചെയ്യാം. ഒരോ മൂന്ന് അല്ലെങ്കിൽ നാല് മണിക്കൂർ കൂടുമ്പോൾ ഈ മിശ്രിതം പുരട്ടാം.