പത്തു മിനിറ്റിൽ പാർട്ടി ഗ്ലോ നേടാം, ഈ 3 ചേരുവ മതി

നമ്മുടെ ചർമ്മത്തിന്റെ സ്വാഭാവികമായ തിളക്കം നിലനിർത്താൻ വിലകൂടിയ സൗന്ദര്യവർദ്ധക വസ്തുക്കൾ തന്നെ വേണമെന്നില്ല. പ്രകൃതിദത്തമായ ചേരുവകൾ ഉപയോഗിച്ച് വീട്ടിൽ തന്നെ തയ്യാറാക്കാവുന്ന ഫേസ് പാക്കുകൾ ചർമ്മത്തിന് കൂടുതൽ സുരക്ഷിതവും ഫലപ്രദവുമാണ്. അത്തരത്തിൽ ഒന്നാണ് മുൾട്ടാനി മിട്ടി, വെള്ളരിക്ക നീര്, തേൻ എന്നിവ ചേർത്തുള്ള 'ഗ്ലോ മാസ്ക്'. തിരക്കുപിടിച്ച ജീവിതശൈലിയും മലിനീകരണവും നമ്മുടെ ചർമ്മത്തിന്റെ ഓജസ്സ് നഷ്ടപ്പെടുത്താറുണ്ട്. മുഖത്തെ അമിതമായ എണ്ണമയം നീക്കം ചെയ്യാനും സുഷിരങ്ങൾ മുറുക്കാനും ഈ മാസ്ക് സഹായിക്കുന്നു.

Also Read: ദിവസവും രാവിലെ ഇത് വെള്ളത്തിൽ ചേർത്തു കുടിക്കൂ, തിളക്കമുള്ള മുടിയും ചർമ്മവും സ്വന്തമാക്കാം

ചേരുവകൾ

• വെള്ളരിക്ക നീര്- ഒരു ടേബിൾ സ്പൂൺ
• തേൻ- ഒരു ടീസ്പൂൺ
• മുൾട്ടാനി മിട്ടി- ഒരു ടേബിൾ സ്പൂൺ

തയ്യാറാക്കുന്ന വിധം

ആദ്യം ഒരു ചെറിയ പാത്രത്തിൽ മുൾട്ടാനി മിട്ടി എടുക്കുക. ഇതിലേക്ക് ഒരു ടേബിൾ സ്പൂൺ ഫ്രഷ് വെള്ളരിക്ക നീരും ഒരു ടീസ്പൂൺ തേനും ചേർത്ത് നന്നായി ഇളക്കുക. കട്ടകളില്ലാതെ ഒരു പേസ്റ്റ് രൂപത്തിലാകുന്നതുവരെ ഇത് യോജിപ്പിക്കണം.

Also Read: ഒറ്റ ഉപയോഗത്തിൽ മുഖം തിളങ്ങും, അടുക്കളയിലെ ഈ രഹസ്യക്കൂട്ട് മതി

ഉപയോഗിക്കേണ്ട രീതി

മുഖം നന്നായി കഴുകി ഉണക്കിയ ശേഷം ഈ മാസ്ക് മുഖത്തും കഴുത്തിലും ഒരേപോലെ തേച്ചുപിടിപ്പിക്കുക. ഏകദേശം 15 മിനിറ്റ് നേരം ഇത് ചർമ്മത്തിൽ ഇരിക്കട്ടെ. മാസ്ക് പൂർണ്ണമായും ഉണങ്ങിയ ശേഷം തണുത്ത വെള്ളം ഉപയോഗിച്ച് മുഖം കഴുകി വൃത്തിയാക്കാം. ആഴ്ചയിൽ രണ്ടോ മൂന്നോ തവണ ഇത് ഉപയോഗിക്കുന്നത് നല്ല ഫലം നൽകും.

Also Read: മുഖക്കുരു പമ്പ കടക്കും, ഈ 6 കാര്യങ്ങൾ ശ്രദ്ധിക്കൂ

പ്രധാന ഗുണങ്ങൾ

• സുഷിരങ്ങൾ അടയ്ക്കുന്നു- മുൾട്ടാനി മിട്ടി ചർമ്മത്തിലെ അമിതമായ എണ്ണമയം നീക്കം ചെയ്യാനും ചർമ്മ സുഷിരങ്ങൾ മുറുക്കാനും സഹായിക്കുന്നു.
• ചർമ്മത്തെ തണുപ്പിക്കുന്നു- വെള്ളരിക്ക നീര് ചർമ്മത്തിന് തണുപ്പ് നൽകുകയും സൂര്യതാപം മൂലമുള്ള കരുവാളിപ്പ് കുറയ്ക്കുകയും ചെയ്യുന്നു.
• സ്വാഭാവിക തിളക്കം- തേൻ ചർമ്മത്തിന് ഈർപ്പം നൽകുകയും സ്വാഭാവികമായ തിളക്കം നിലനിർത്താൻ സഹായിക്കുകയും ചെയ്യുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക

Read More: പാടുകളില്ലാത്ത തിളക്കമുള്ള ചർമ്മത്തിനു പിന്നിൽ ഇതാണ്; രഹസ്യം വെളിപ്പെടുത്തി തമന്ന