ബ്ലാക്ക് ആൻഡ് വൈറ്റിൽ സ്റ്റൈലിഷ് ലുക്കിൽ ശോഭന, ചിത്രങ്ങൾ

നൃത്തത്തില്‍ സജീവമായി തുടരുന്ന ശോഭന അടുത്ത കാലത്താണ് സോഷ്യൽ മീഡിയയിൽ എത്തിയത്

shobana, actress, ie malayalam

വർഷങ്ങൾ എത്ര കഴിഞ്ഞാലും ശോഭന എന്ന നടിയോടുളള മലയാളികളുടെ ഇഷ്ടത്തിന് ഒരു കുറവ് വന്നിട്ടില്ല. അന്നും ഇന്നും മലയാളികളുടെ സ്വന്തം നടിയാണ് ശോഭന. അഭിനയത്തിൽ അത്ര സജീവമല്ലെങ്കിലും സോഷ്യൽ മീഡിയ വഴി താരം പങ്കിടുന്ന വിശേഷങ്ങൾ ആരാധകർ ഏറ്റെടുക്കാറുണ്ട്. സോഷ്യൽ മീഡിയ വഴി നൃത്തത്തിന്റെ വിശേഷങ്ങളും വീഡിയോകളുമൊക്കെ ശോഭന പങ്കുവയ്ക്കാറുണ്ട്.

തന്റെ ഫൊട്ടോഷൂട്ടിൽനിന്നുള്ളൊരു ചിത്രമാണ് ശോഭന ഇപ്പോൾ പങ്കുവച്ചിരിക്കുന്നത്. ബ്ലാക്ക് ആൻഡ് വൈറ്റ് സാരിയിലുളള ചിത്രമാണ് ശോഭന ഷെയർ ചെയ്തത്. സ്റ്റൈലിഷ് ലുക്കിലാണ് ഫൊട്ടോയിൽ ശോഭനയുള്ളത്.

നൃത്തത്തില്‍ സജീവമായി തുടരുന്ന ശോഭന അടുത്ത കാലത്താണ് സോഷ്യൽ മീഡിയയിൽ എത്തിയത്. അവിടെയും തന്റെ പാഷനായ നൃത്തത്തെക്കുറിച്ചാണ് ശോഭന കൂടുതലും സംസാരിക്കാറുള്ളത്. ശോഭനയുടെ നൃത്ത വീഡിയോകളും നൃത്തവിദ്യാലയമായ ‘കലാര്‍പ്പണ’യിലെ കുട്ടികളുടെ വിശേഷങ്ങളുമൊക്കെ താരം ആരാധകരുമായി പങ്കുവയ്ക്കാറുണ്ട്.

തിരുവിതാംകൂര്‍ സഹോദരിമാര്‍ എന്നറിയപ്പെടുന്ന ലളിത, പദ്മിനി, രാഗിണിമാരുടെ അനന്തിരവളാണ് പദ്മശ്രീ പുരസ്കാരവും മൂന്നു തവണ അഭിനയത്തിനുള്ള ദേശീയ പുരസ്കാരവും നേടിയ ശോഭന. രണ്ടു പതിറ്റാണ്ടോളം നീണ്ട സിനിമാ ജീവിതം മാറ്റി വച്ച് ഇപ്പോള്‍ നൃത്തത്തിലാണ് അവര്‍ ശ്രദ്ധ കേന്ദ്രീകരിക്കുന്നത്. സത്യൻ അന്തിക്കാടിന്റെ മകൻ അനൂപ് സത്യൻ സംവിധാനം ചെയ്ത ‘വരനെ ആവശ്യമുണ്ട്’ എന്ന ചിത്രത്തിലാണ് ശോഭന ഏറ്റവും ഒടുവിലായി അഭിനയിച്ചത്.

Read More: തപ്പാട്ടം കണ്ടിട്ടുണ്ടോ? പുതിയതായി പഠിച്ച നൃത്തരൂപം പങ്കു വച്ച് ശോഭന- വീഡിയോ

Get the latest Malayalam news and Lifestyle news here. You can also read all the Lifestyle news by following us on Twitter, Facebook and Telegram.

Web Title: Shobana black and white dress stylish photos

Next Story
യുവത്വത്തിനും തിളങ്ങുന്ന ചർമ്മത്തിനും 5 യോഗാസനങ്ങൾyoga, health, ie malayalam
The moderation of comments is automated and not cleared manually by malayalam.indianexpress.com