മുത്തുകൾ തുന്നിയ മോഹചിത്രം; മനീഷ് മൽഹോത്ര കൗച്ചറിൽ തിളങ്ങി സാറ

പ്രശസ്ത നടൻ സെയ്ഫ് അലി ഖാന്റെയും നടി അമൃത സിംഗിന്റെയും മകളായ സാറ, തന്റെ കഴിവ് കൊണ്ടും ലളിതമായ പെരുമാറ്റം കൊണ്ടും ചുരുങ്ങിയ കാലം കൊണ്ട് തന്നെ സിനിമാ പ്രേമികളുടെ മനസ്സ് കീഴടക്കി.

2018-ൽ പുറത്തിറങ്ങിയ 'കേദാർനാഥ്' എന്ന ചിത്രത്തിലൂടെയായിരുന്നു സാറയുടെ അരങ്ങേറ്റം. സുശാന്ത് സിംഗ് രാജ്‌പുത് നായകനായ ഈ ചിത്രത്തിലെ പ്രകടനം നടിക്ക് മികച്ച നവാഗത നടിക്കുള്ള ഫിലിംഫെയർ അവാർഡ് നേടിക്കൊടുത്തു.

അഭിനയത്തിൽ എന്നതുപോലെ തന്നെ ഫാഷൻ ലോകത്തും സജീവമാണ് സാറ. ഇപ്പോഴിതാ മനീഷ് മൽഹോത്ര പങ്കുവച്ച സാറയുടെ ചിത്രമാണ് ഏറെ ശ്രദ്ധേയമാകുന്നത്.

മനീഷ് മൽഹോത്രയുടെ സിഗ്നേച്ചർ 'പേൾസ്റ്റോറി' കൗച്ചറിൽ നിന്നുള്ള ഗൗൺ ധരിച്ച സാറയുടെ ചിത്രങ്ങളാണിത്.

പേളും സ്വരോവിസ്കി ക്രിസ്റ്റലുകളും തുന്നിച്ചേർത്ത ഈ ഔട്ട്ഫിറ്റ് വെറുമൊരു ഫാഷൻ സ്റ്റേറ്റ്‌മെന്റിന് അപ്പുറം, വരുംതലമുറകളിലേക്ക് കൈമാറാൻ കഴിയുന്ന ഒരു അമൂല്യവസ്തുവാണെന്നാണ് മനീഷ് മൽഹോത്ര പറയുന്നത്.