സംയുക്ത ധരിച്ച ഈ ബ്ലഷ് പിങ്ക് സീക്വൻസ് സാരിയുടെ വിലയറിയാമോ?

തെന്നിന്ത്യയിലെ തന്നെ തിരക്കേറിയ നായികമാരിലൊരാളാണ് നടി സംയുക്ത മേനോൻ. തമിഴ്, തെലുങ്ക് ചിത്രങ്ങളിലാണ് താരം ഇപ്പോൾ സജീവമായി നിൽക്കുന്നത്. കാർത്തിക്ക് വർമയുടെ സംവിധാനത്തിൽ ഒരുങ്ങിയ തെലുങ്ക് ഹൊറർ മിസ്റ്ററി ചിത്രം 'വിരുപക്ഷ' ആണ് സംയുക്തയുടെ അവസാനം റിലീസിനെത്തിയ ചിത്രം. സോഷ്യൽ മീഡിയയിൽ വളരെയധികം സജീവമായ സംയുക്ത ഫൊട്ടൊഷൂട്ട് ചിത്രങ്ങളും പങ്കുവയ്ക്കാറുണ്ട്. താരത്തിന്റെ സാരിയുടുത്ത് നിൽക്കുന്ന ചിത്രങ്ങൾ വൈറലാകാറുമുണ്ട്.

സാവൻ ഗാന്ധി എന്ന വെബ്സൈറ്റിൽ നിന്നാണ് സംയുക്ത സാരി തിരഞ്ഞെടുത്തിരിക്കുന്നത്. ബ്ലഷ് പിങ്ക് സീക്വൻസ് സാരിയിൽ അതിമനോഹരിയാണ് താരം. വളരെ ക്ലാസ്സി ലുക്കി നൽകുന്ന മിറർ വർക്കുകളും സാരിയിൽ നിറയുന്നുണ്ട്. 1,28,000 രൂപയാണ് സാരിയുടെ വില. മിനിമൽ ജ്വല്ലറിയാണ് സാരിയ്ക്കൊപ്പം സ്റ്റൈൽ ചെയ്തത്. സ്റ്റൈൺ വർക്കുകൾ നിറഞ്ഞ ചോക്കറാണ് അക്സ്സസ്സറീസിലെ പ്രധാന ആകർഷണം.

ധനുഷിനൊപ്പം ചെയ്ത 'വാത്തി' ആണ് സംയുക്തയുടെ അവസാനം ഹിറ്റായ ചിത്രം. വെങ്കി അത്രുലിയുടെ സംവിധാനത്തിൽ ഒരുങ്ങിയ ചിത്രം ഫെബ്രുവരി 17നാണ് റിലീസിനെത്തിയത്. സംയുക്തയുടെ നാലാമത്തെ തമിഴ് ചിത്രമായിരുന്നു 'വാത്തി'.

'പോപ് കോൺ' എന്ന മലയാളം ചിത്രത്തിലൂടെ അരങ്ങേറ്റം കുറിച്ച സംയുക്ത പിന്നീട് അന്യഭാഷ സിനിമകളിലും അഭിനയിച്ചു. കളരി, ജൂലൈ കാട്രിൽ തുടങ്ങിയ ചിത്രങ്ങളിലൂടെ തമിഴിൽ അരങ്ങേറ്റം കുറിച്ച സംയുക്ത കന്നഡ, തെലുങ്ക് ചിത്രങ്ങളിലും ശ്രദ്ധേയമായ വേഷങ്ങൾ ചെയ്‌തു.