അനശ്വര കലാകാരന് ആദരമർപ്പിച്ച് സാമന്തയുടെ 'ബാപ്പു ബൊമ്മ' ഫോട്ടോഷൂട്ട്

തെന്നിന്ത്യൻ സിനിമയിലെ മുൻനിര നായികമാരിൽ ഒരാളായ സമാന്ത, തന്റെ അഭിനയ മികവുകൊണ്ടും വ്യക്തിത്വം കൊണ്ടും പ്രേക്ഷകരുടെ ഹൃദയത്തിൽ ഇടം നേടിയിട്ടുണ്ട്.

വ്യത്യസ്തങ്ങളായ കഥാപാത്രങ്ങളിലൂടെയും ഫാഷൻ സ്റ്റൈലുകളിലൂടെയും സമാന്ത എപ്പോഴും ശ്രദ്ധേയയാണ്.

സാരിയിലുള്ള സമാന്തയുടെ ഈ പുതിയ ലുക്ക് ആരാധകർക്കിടയിൽ വലിയ ചർച്ചയായിട്ടുണ്ട്. ലളിതവും എന്നാൽ മനോഹരവുമായ ഈ സാരി ലുക്കിൽ സമാന്ത അതിസുന്ദരിയായിരിക്കുന്നു.

സാമന്ത തൻ്റെ ചിത്രങ്ങളിലൂടെ പുനഃസൃഷ്ടിച്ചിരിക്കുന്നത് കാലാതീതമായ 'ബാപ്പു ബൊമ്മ' സൗന്ദര്യത്തെയാണ്.vആന്ധ്രപ്രദേശിലും തെലങ്കാനയിലും പരമ്പരാഗത വസ്ത്രധാരണവും ലാളിത്യവുമുള്ള സുന്ദരികളായ സ്ത്രീകളെ വിശേഷിപ്പിക്കാൻ 'ബാപ്പു ബൊമ്മ' എന്ന വാക്കാണ് ഉപയോഗിക്കാറുള്ളത്.

പ്രശസ്ത ഇന്ത്യൻ കലാകാരനായ എസ്.എൽ. ബാപ്പു (സത്തിരാജു ലക്ഷ്മിനാരായണ) വരച്ച ബാപ്പു ബൊമ്മ ചിത്രങ്ങളാണ് ഈ സാമന്തയുടെ ഈ ലുക്കിന് മാതൃകയായത്. ആ കലാകാരനെ അനുസ്മരിച്ചു കൊണ്ടുള്ള കുറിപ്പും പോസ്റ്റിൽ കാണാം.