മുഖം പൂ പോലെ തിളങ്ങാൻ അരിപ്പൊടി ഫെയ്സ് സ്‌ക്രബ്

ചർമ്മസംരക്ഷണത്തിൽ അരിപ്പൊടിക്ക് വളരെയധികം പ്രാധാന്യമുണ്ട്. ചർമ്മത്തിൽ അദ്ഭുതങ്ങൾ സൃഷ്ടിക്കാൻ അരിപ്പൊടിക്ക് കഴിയും. അവശ്യ പോഷകങ്ങളാൽ സമ്പുഷ്ടമായ, അരിപ്പൊടി ഫെയ്സ് സ്‌ക്രബ് ചർമ്മത്തിന് തിളക്കം നൽകും.

അരി കഴുകിയ വെള്ളമോ അരിപ്പൊടിയോ മുഖത്ത് പുരട്ടുന്നത് ചർമ്മത്തിന്റെ ആരോഗ്യവും തിളക്കമാർന്ന നിറവും നൽകുമെന്ന് വിദഗ്ധർ പറയുന്നു. അരിപ്പൊടിക്ക് എക്സ്ഫോളിയേറ്റിങ് ഗുണങ്ങളുണ്ട്. ചർമത്തിലെ മൃതകോശങ്ങൾ, അഴുക്ക്, അധിക എണ്ണ, മറ്റ് മാലിന്യങ്ങൾ എന്നിവ ഫലപ്രദമായി ഇല്ലാതാക്കി സുഷിരങ്ങൾ ആഴത്തിൽ ശുദ്ധീകരിക്കാനും ചർമ്മത്തിന് ഉന്മേഷം നൽകാനും സഹായിക്കും.

എണ്ണമയമുള്ളതോ അമിതമായി എണ്ണമയമുള്ളതോ ആയ ചർമ്മമുള്ള വ്യക്തികൾക്ക് അരിപ്പൊടി നല്ല ഗുണം ചെയ്യും. എല്ലാ ചർമ്മ തരക്കാർക്കും അരിപ്പൊടി ഉപയോഗിക്കാമെന്നത് മറ്റൊരു ഗുണമാണ്.

അരിപ്പൊടി ഫെയ്സ് സ്ക്രബിനു വേണ്ട ചേരുവകൾ

• അരിപ്പൊടി
• തേൻ
• നാരങ്ങ നീര്
• വെള്ളം അല്ലെങ്കിൽ റോസ് വാട്ടർ

തയ്യാറാക്കുന്ന വിധം

ഒരു ബൗളിൽ അരിപ്പൊടിയും തേനും നാരങ്ങ നീരും ചേർത്ത് മിക്സ് ചെയ്യുക. ഇതിലേക്ക് കുറച്ച് വെള്ളം അല്ലെങ്കിൽ റോസ് വാട്ടർ ചേർക്കുക. നല്ല കട്ടിയാകുമ്പോൾ മുഖത്ത് പുരട്ടുക. 1-2 മിനിറ്റ് മുഖത്ത് പതിയെ മസാജ് ചെയ്യുക. 5 മിനിറ്റിനുശേഷം കഴുകി കളയുക. അതിനുശേഷം മോയിസ്ച്യുറൈസർ പുരട്ടുക. ആഴ്ചയിൽ 2-3 തവണ ചെയ്യുക. മുഖത്ത് പുരട്ടുന്നതിനു മുൻപ് എപ്പോഴും ഒരു പാച്ച് ടെസ്റ്റ് നടത്തുക.

Read More

• മൃണാൽ താക്കൂറിൻ്റെ സൗന്ദര്യ രഹസ്യം ഈ ഫെയ്സ് സ്ക്രബ്
• വരണ്ട ചർമ്മമാണോ? മികച്ച വിറ്റാമിൻ സി സെറം ഇതാ
• മുഖം കണ്ണാടി പോലെ തിളങ്ങും, കൊറിയൻ ഫേഷ്യൽ വീട്ടിൽ ചെയ്യാം
• മുഖം തിളങ്ങാൻ മാതള നാരങ്ങ ഫെയ്സ് പാക്ക്