Rhea Singha Crowned Miss Universe India 2024: മിസ് യൂണിവേഴ്സ് ഇന്ത്യ കിരീടം ചൂടി പതിനെട്ടുകാരി റിയ സിൻഹ

Rhea Singha: 2024 ലെ മിസ് യൂണിവേഴ്സ് ഇന്ത്യ കിരീടം ചൂടി റിയ സിൻഹ (18). രാജസ്ഥാനിലെ ജയ്പൂരിൽ നടന്ന ഫൈനൽ മത്സരത്തിലായിരുന്നു ഗുജറാത്ത് സ്വദേശിയായ റിയ വിജയിയായത്. 2015ലെ മിസ് യൂണിവേഴ്സ് ഇന്ത്യ ഉർവശി റൗട്ടേലയാണ് റിയയെ കിരീടം അണിയിച്ചത്. നവംബറിൽ മെക്സിക്കോയിൽ നടക്കുന്ന മിസ് യൂണിവേഴ്സ് 2024 മത്സരത്തിൽ ഇന്ത്യയെ പ്രതിനിധീകരിക്കുക റിയ സിൻഹയാണ്.

''ഇന്ന് ഞാൻ മിസ് യൂണിവേഴ്സ് ഇന്ത്യ 2024 പട്ടം നേടി. ഈ കിരീടം ചൂടാനായി വളരെയധികം പ്രയത്നിച്ചിട്ടുണ്ട്. മുൻപ് കിരീടം ചൂടിയവരാണ് എനിക്ക് പ്രചോദനമായത്,'' മത്സരശേഷം റിയ പറഞ്ഞതായി എഎൻഐ റിപ്പോർട്ട് ചെയ്തു. ലാർജ് ഓഫ് ജിഎൽഎസ് യൂണിവേഴ്‌സിറ്റിയിലെ അംബാസഡറാണ് റിയ. അവിടെയാണ് റിയ ബാച്ചിലർ ഓഫ് പെർഫോമിംഗ് ആർട്‌സ് പഠിക്കുന്നത്. മോഡൽ കൂടിയാണ്. 

View this post on Instagram

A post shared by Miss Universe india (@missuniverseindiaorg)

ഇത്തവണ മിസ് യൂണിവേഴ്സ് മത്സരത്തിൽ ഇന്ത്യ വിജയിക്കുമെന്നാണ് പ്രതീക്ഷയെന്നും മത്സരത്തിൽ പങ്കെടുത്തത് കഠിനാധ്വാനികളായ പെൺകുട്ടികളാണെന്നും ജഡ്ജിങ് പാനലിൽ ഉണ്ടായിരുന്ന ഉർവശി റൗട്ടേല പറഞ്ഞു.

Read More

• ചർമ്മ പ്രശ്നങ്ങൾക്ക് ഒരുഗ്രൻ പരിഹാരം, വാഴപ്പഴത്തിന്റെ തൊലി ഉപയോഗിക്കൂ
• ചർമ്മാരോഗ്യം വീണ്ടെടുക്കാം, കൊളാജൻ ഉൽപാദനത്തിനായി കഴിക്കൂ ഈ ഭക്ഷണങ്ങൾ
• കറുത്ത പാടുകളകറ്റി തിളങ്ങുന്ന ചർമ്മം നേടാം, ഈ ഫെയ്സ് മാസ്ക് ട്രൈ ചെയ്യൂ
• മഴക്കാലത്ത് സൺസ്ക്രീൻ ഉപയോഗിക്കേണ്ടതുണ്ടോ? കാരണം ഇതാണ്