30 ലക്ഷത്തിൻ്റെ ബ്രേസ്‌ലെറ്റും കോടികൾ വിലമതിക്കുന്ന നെക്ലസും: സഹോദരൻ്റെ വിവാഹത്തിൽ തിളങ്ങി പ്രിയങ്ക ചോപ്ര

സഹോദരൻ്റെ വിവാഹത്തിനായാണ് പ്രിയങ്ക കഴിഞ്ഞ ദിവസമാണ് ഇന്ത്യയിൽ എത്തിയത്. മനീഷ് മൽഹോത്രയുടെ ബെറി ഹ്യൂഡ് ഷിഫോൺ സാരിയും ബൾഗാരിയുടെ ജ്യൂവൽസും അണിഞ്ഞാണ് താരം എത്തിയത്.

സെർപ്പൻ്റ് കളക്ഷനിൽ നിന്നുള്ള ബൾഗാരിയുടെ സെർപ്പൻ്റ് വൈപ്പർ ബ്രേസ്‌ലെറ്റാണ് പ്രിയങ്ക തിരഞ്ഞെടുത്തത്. 18 കാരറ്റ് വൈറ്റ് ഗോൾഡിൽ രത്നങ്ങൾ പതിപ്പിച്ചതാണത്. 30,79,000 രൂപയാണ് ഈ ബ്രേസ്‌ലെറ്റിൻ്റെ വില.

പ്രിയങ്ക അണിഞ്ഞ വിൻ്റേജ് പേൾ ചോക്കർ നെക്ലസ് ആണ് മറ്റൊരാകർഷണം. പവിഴവും, റൂബിയും, രത്നങ്ങളും കൊണ്ടാണ് അത് നിർമ്മിച്ചിരിക്കുന്നത്. എട്ട് കോടിയോളം വില മതിക്കുന്നതാണ് ഈ ചേക്കർ.

മനീഷ് മൽഹോത്ര സാരി കളക്ഷനിൽ നിന്നുള്ള കസ്റ്റം ഡിസൈൻ ആയിട്ടുള്ള ഹെറി ഹ്യൂഡ് ഷിഫോൺ സാരയാണ് പ്രിയങ്ക ധരിച്ചിരിക്കുന്നത്. ഫ്ലോറൽ പാറ്റേണുകളും, ചെറിയ തോതിലുള്ള സീക്വൻസ് വർക്കുകളും അതിൽ കാണാം.

സ്റ്റൈലിഷ് ലുക്കിനു വേണ്ടി സാരിയോടൈപ്പം ക്രോപ്പ് ചെയ്ത് ബ്ലൗസാണ് തിരഞ്ഞെടുത്തിരിക്കുന്നത്. സ്പഗട്ടി സ്ട്രാപോടു കൂടിയ ബാക്ക് ലെസ്സ് ഡിസൈനാണ് അതിനു കൊടുത്തിരിക്കുന്നത്. വൈബ്രൻ്റായിട്ടുള്ള ബെറി ലിപ് കളറും, മെസ്സി പിങ്ക് ഐഷാഡോയുമാണ് മേക്കപ്പിൽ എടുത്തു പറയേണ്ടത്.

സെലിബ്രറ്റി സ്റ്റൈലിസ്റ്റായ അമി പാട്ടേൽ ആണ് പ്രിയങ്കയുടെ ആ ലുക്കിനു പിന്നിൽ. ചിക്ക് ലുക്കിനായ കൂളിങ് ഗ്ലാസു കൂടി താരം തിരഞ്ഞെടുത്തിട്ടുണ്ട്.