ആരാധകർക്കിടയിൽ ചർച്ചയായി പ്രിയങ്ക ചോപ്രയുടെ പുതിയ ലുക്ക്

പ്രിയങ്ക നിർമ്മാതാവായ 'പാനി' എന്ന സിനിമയുടെ പ്രീമയറിലെ ഫോട്ടോഷൂട്ട് ചിത്രങ്ങളാണ് ഇപ്പോൾ സോഷ്യൽ മീഡിയയിൽ ചർച്ചാ വിഷയം. സഹോദരൻ്റെ വിവാഹത്തിനു വേണ്ടിയാണ് അവസാനമായി താരം നാട്ടിൽ എത്തിയത്.

എന്നാൽ ഇത്തവണ സ്റ്റൈലിലും ലുക്കിലും ഒട്ടേറെ മാറ്റങ്ങളുമായാണ് താരം എത്തിയിരിക്കുന്നത്.

തീരെ മെലിഞ്ഞ വണ്ണം കുറഞ്ഞ പ്രിയങ്കയുടെ മുഖത്തിൻ്റെ ആകൃതിക്കും വ്യത്യാസം കാണാൻ സാധിക്കുന്നുണ്ട്. നടിക്ക് എന്തു പറ്റി?. പ്ലാസ്റ്റിക് സർജറി ചെയ്തോ? എന്നിങ്ങനെ ധാരാളം ചോദ്യങ്ങളാണ് ആരാധകർക്കുള്ളത്.

ബോളിവുഡിൽ നിന്ന് ഹോളിവുഡിൽ ചേക്കേറിയിരിക്കുകയാണ് നടി ഇപ്പോൾ. 'ഹെഡ്സ് ഓഫ് സ്റ്റേറ്റ്', 'ദ് ബ്ലഫ്' തുടങ്ങി ഒട്ടേറെ സിനിമകളുമായി ഹോളിവുഡിൽ തിരക്കിലാണ് നടിയിപ്പോൾ.

ഹോളിവുഡ് സ്റ്റൈലിൻ്റെ സ്വാധീനം പ്രിയങ്കയുടെ ഔട്ട്ഫിറ്റ് തിരഞ്ഞെടുപ്പിലും മേക്കപ്പിലും കാണാൻ സാധിക്കുന്നുണ്ട്. കൂടുതലും ഷിമ്മറിംഗ് ആയിട്ടുള്ള സിംപിൾ കൗച്ചർ കളക്ഷനുകളും, നാച്വറൽ ലുക്ക് കിട്ടുന്ന മേക്കപ്പുമാണ് താരമിപ്പോൾ തിരഞ്ഞെടുക്കാറുള്ളത്.