ബോൾഡ് ആൻ്റ് ബ്യൂട്ടിഫുൾ: ട്രെൻഡായി പാർവ്വതിയുടെ സാരി ലുക്ക്

ഹേമ കമ്മറ്റി റിപ്പോർട്ടിനു ശേഷം സിനിമ താരം പാർവ്വതിയുടെ സോഷ്യൽമീഡിയ ആകെ പെൺകരുത്തിനെ അഭിനന്ദിച്ചു കൊണ്ടുള്ള കമൻ്റുകളാണ്.

സാരി ലുക്കിലുള്ള തൻ്റെ പുതിയ ചിത്രങ്ങൾ പാർവ്വതി പങ്കുവെയ്ക്കുകയുണ്ടായി. അതിലും അഭിനന്ദനങ്ങളും ആശംസകളുമായി ധാരാളം ആരാധകരാണ് കമൻ്റ് ചെയ്തിരിക്കുന്നത്.

'വിപ്ലവം വിജയിക്കട്ടെ', ' പെണ്ണെ നിനക്കു വേണ്ടി നീ തീ ആകുക', എന്നിങ്ങനെയുള്ള കമൻ്റുകൾ കാണാം.

സിനിമ താരമായ അന്ന ബെന്നും 'ക്യൂൻ എനർജി' എന്ന് കമൻ്റ് ചെയ്തിട്ടണ്ട്. മഞ്ജു വാര്യർ, പ്രയാഗ മാർട്ടിൻ, അപർണ ബാലമുരളി ഉൾപ്പെടെ ഒട്ടേറെ താരങ്ങൾ ചിത്രത്തിന് ലൈക്ക് ചെയ്തിട്ടുണ്ട്.

കഴിഞ്ഞ ദിവസങ്ങളിൽ പോസ്റ്റ് ചെയ്ത പാർവ്വതിയുടെ ചിത്രങ്ങളും ഏറെ ശ്രദ്ധ നേടിയിരുന്നു. 'ഇല്ല, ഞാൻ ഒന്നിലും ഖേദിക്കുന്നില്ല' എന്ന ക്യാപ്ഷനോടെയാണ് ചിത്രം താരം പങ്കുവെച്ചത്.